Alogliptin

Alogliptin ni dawa ya inayotumika katika tiba ya ugonjwa wa kisukari aina ya pili, ipo kwenye kundi la dawa linaloitwa dipeptidyl peptidase-4 (DPP-4) na hufahamika kwa jina jingine la Nesina.

Dawa hii ni ya kumeza, hutuka baada ya kula chakula au kunywa wakati unakula chakula.

Rangi ya Alogliptin

Rangi ya dawa mara nyingi huwa nyeupe, hata hivyo mara nyingi hutegemea rangi iliyopendekezwa na kiwanda.

Dawa zilizokundi moja na Alogliptin

Dawa zingine ambazo zipo kwenye kundi moja na Alogliptin ni;

• Saxagliptin

• Sitagliptin

• Linagliptin

• Vildagliptin

Jinsi Alogliptin inavyofanya kazi

Hufanya kazi kwa kuongeza kiasi cha homoni za kimetaboli zinazoitwa inkretin ambazo huthibiti kiwango cha glukosi kwenye damu kwa kuchochea kuzalishwa zaidi kwa homoni ya Insulin, hasa baada ya kula

Hupunguza kiasi cha sukari kinazalishwa na ini kisha kuingia kwenye damu.

Kazi za Alogliptin

Hutumika kwenye matibabu ya kisukari kwa wagonjwa wenye kisukari aina ya pili.

Dawa usizopaswa kutumia pamoja na Alogliptin

Alogliptin inapotumika pamoja na dawa zifuatazo mgonjwa anapaswa kufuatiliwa kwa ukaribu sana;

• Benazepril

• Captopril

• Chlorpropamide

• Dulaglutide

• Glimepiride

• Glipizide

• Glyburide

• Insulin aspart

• Insulin degludec

• Insulin detemir

• Insulin glargine

• Insulin glulisine

• Insulin lispro

• Nateglinide

• Repaglinide

• Tolazamide

• Tolbutamide

Wagonjwa wsiopaswa kutumia Alogliptin

• Wagonjwa wenye mzio na dawa hii

Tahadhari ya Alogliptin

• Huweza kupelekea Ini kushindwa kufanya kazi

• Husababisha pankriataitizi

• Inapaswa kusimamishwa endapo italeta mzio wa anafailatiki kwa mgonjwa

Matumizi ya Alogliptin Kwa mama

• Inapaswa kutumika kwa tahadhari kwa mama mjamzito

• Hakuna athari zozote kwa mtoto ikitumika kwa mama anayenyonyesha.

Maudhi ya Alogliptin

Baadhi ya maudhi madogo ya dawa ni;

• Kushuka kwa glukosi hasa ikitumika pamoja na Insulin

• Nasofarinjaitizi

• Maumivu ya kichwa

• Maambukizi kwenye mfumo wa juu wa upumuaji

• Pankriataitizi

Je ekama umesahau dozi ya Alogliptin ufanyeje?

Kama umesahau kutumia dozi yako, Tumia dawa mara utakapokumbuka isipokuwa endapo muda wa dozi ingine umefika. Kama muda wa dozi ingine umefika ruka dozi hii uliyosahau na endelea kama ulivyopangiwa na daktari wako.