top of page

Mwandishi:

Dkt. Sospeter M, MD

Mhariri:

Dkt. Lugonda B, MD

15 Septemba 2021 15:01:54

Dawa Cefepime

Dawa Cefepime

Cefepime ni antibiotiki ya kizazi cha nne cha cephalosporin inayotumika katika matibabu ya magonjwa yanayosababiswha na maambukizi ya bakteria mbalimbali wanaodhuriwa na dawa hii kwenye mapafu, mfumo wa mkojo, via vya uzazi, nogzi n.k.


Cefepime hudhuru bakteria wa gramu hasi na chanya na huwa na uwezo zaidi kuliko dawa za kizazi cha tatu na zilizo kwenye kundi moja nayo, hii ndio maana imehifadhiwa kwa ajili ya maambukizi makali nay ale yenye usugu kwenye dawa zingine.


Majina mengine ya Cefepime


Majina mengine ya Cefepime ni;

Maxipime


Dawa zilizo kundi moja na Cefepime


Dawa zilizo kundi moja na Cefepime ni ;

  • Cefazola

  • Cefaclor

  • Cefdinir

  • Cefuroxime

  • Cefadroxil

  • Cephalexin

  • Ceftriaxone


Fomu na uzito wa Cefepime


Dawa hii ipo katika fomu ya unga kwa ajiri ya sindano wenye uzito wa 1g na 2g


Cefepime pia hupatikana katika fomu ya infusheni yeney uzito wa;

1g/50mL

2g/100mL


Namna Cefepime inavyofanya kazi


Dawa jamii ya cephalosporins hufanya kazi kwa kuua bakteria na pia hufanya kazi zake kama dawa zingine za beta-lactam ( mfano penicillin). Cephalosporins huharibu utengenezaji wa peptidoglycan ukuta maalumu wa seli ya bakteria. Ukuta wa peptidoglycan huwa moja ya muhumiri kwenye ukuta wa seli ya bakteria haswa kwa bakteria gramu chanya. Hatua ya mwisho ya kutengeneza muhimiri huu huwezeshwa na kimeng’enya cha transpeptidases kinachofanya kazi kwa kuzijishika kwenye mlango penicillin.


Vimelea wanaodhuriwa na Cefepime


  • Bacteroides spp

  • Enterobacter spp

  • Escherichia coli

  • Haemophilus influenzae

  • Klebsiella spp

  • Proteus mirabilis

  • Pseudomonas spp

  • Staphylococcus aureus

  • Streptococcus pyogenes


Cefepime hutibu nini?


Cefepime hutibu magonjwa yanayotokana na maambukizi ya vimelea vinavyodhuriwa na dawa hii na hivyo;


  • Hutumika kutibu maambukizi kwenye mfumo wa upumuaji.

  • Hutumika kutibu maambukizi kwenye mfumo wa mkojo

  • Hutumika kutibu maambukizi kwenye ngozi

  • Hutumika kutibu Nimonia

  • Hutumika kutibu maambukizi ndani ya tumbo

  • Hutibu neutropenia ya homa


Ufyonzwaji na utoaji taka Cefepime nje ya mwilini


Asilimia 82 ya dawa hufyonzwa na kufanya kazi kama itachomwa kwenye misuli na nusu maisha ya dawa ni masaa 2 na mara dawa inapoingia kwenye damu na kufanya kazi, asilimia themanini na tano (85%) ya dawa hii hutolewa kwa njia ya mkojo na kiasi kilichobaki hufanyiwa umetaboli kwenye ini na kutolewa katika fomu nyingine. Dawa hii pia huweza kuingia kwenye maziwa ya mama.


Mwingiliano wa Cefepime na chakula


Dawa hii inaweza kutumika na chakula au pasipo chakula


Wagonjwa wasiopaswa kutumia Cefepime


  • Wagonjwa wenye mzio wa Cefepime na dawa jamii ya cephalosporins.

  • Wagonjwa wenye mzio wa dawa jamii ya Penicillin.

  • Wagonjwa wenye mzio wa dawa jamii ya beta lactam.


Dawa zenye muingiliano na Cefepime


Dawa zenye mwingiliano mkali na hivyo kutofaa kutumika pamoja na cefepime;

  • Chanjo hai ya BCG

  • Chano ya kipindupindu

  • Chanjo hai ya typhoid


Dawa zinazoweza kutumika na Cefepime chini ya uangalizi;


  • Amifampridine

  • Bazedoxifene/conjugated estrogens

  • Dienogest/estradiol valerate

  • Estradiol

  • Ethinylestradiol

  • Levonorgestrel oral/ethinylestradiol/ferrous bisglycinate

  • Probenecid

  • Sodium picosulfate/magnesium oxide/anhydrous citric acid


Dawa zenye muingiliano mdogo na Cefepime;


  • Aminohippurate sodium

  • Aspirin

  • Aspirin/citric acid/sodium bicarbonate

  • Choline magnesium trisalicylate

  • Furosemide

  • Rose hips

  • Sulfasalazine

  • Tolmetin

  • Willow bark


Matumizi ya Cefepime kwa mama mjamzito na mama anayenyonyesha


Matumizi ya Cefepime kwa mama mjamzito

Tafiti zilizofanyika hazijaonesha madhara kwa mtoto aliyepo tumboni kwa mama.


Matumizi ya Cefepime mama anayenyonyesha

Tafiti zinaonesha kuwa Dawa hii inapatikana kwenye maziwa ya mama kwa kiwango kidogo lakini hakuna tafiti zinazoonesha madhara kwa mtoto na katika uzalishaji wa maziwa.


Maudhi ya cefepime


  • Kipimo chanya cha Coombs bila kuvunjwa kwa chembe nyekundu za damu

  • Harara

  • Ongezeko la vimeng’enya vya ini

  • Kushuka kwa kiwango cha phosphate kwenye damu

  • Kuharisha

  • Eosinofiilia

  • Kuvia damu sindano ilipochomwa

  • Maumivu sehemu sindano ilipochomwa

  • Kichefuchefu na kutapila

  • Homa

  • Maumivu ya kichwa

  • Muwasho

  • Agranulosaitosis

  • Mzio wa anafailaktiki

  • Anafailaksia

  • Koma

  • Anaphylaxis

  • Encephalopath

  • Kusikia sauti zisizokuwepo

  • Leukopenia

  • Kukakamaa kwa maungio ya mwili

  • Kuharibika kwa umeme wa misuli

  • Neutropenia

  • Degedege

  • Upugufu wa chembe sahani za damu


Ufanye nini kama umesahau kutumia dozi yako?


Ni muhimu kutumia dozi kwa wakati sahihi.Kama umesahau kutumia dozi yako muulize daktari au mfamasia wako muda sahihi wa kupata dozi nyingine.Usitumia dozi mbili kwa wakati mmoja ili kufidia dozi uliyosahau.

ONYO: Usitumie dawa yoyote bila ushauri wa daktari. Dawa zinaweza kuleta madhara mwilini na pia matumizi ya baadhi ya dawa pasipo ushauri na vipimo husababisha  vimelea kuwa sugu dhidi ya dawa hiyo.
ULY clinic inakushauri kuwasiliana na daktari wako unapotaka kuchukua maamuzi yoyote yanayohusu afya yako.
Wasiliana na daktari/Mfamasia wa ULY clinic kwa ushauri na Tiba au kuandikiwa dawa kwa kupiga simu au Kubonyeza Pata tiba chini ya tovuti hii.

Imeboreshwa,

23 Julai 2023 16:54:25

Rejea za mada hii:-

MEDSCAPE. Cefepime. https://reference.medscape.com/drug/maxipime-cefepime-342511#0. Imechukuliwa 13/09/2021

WEBMD. Cefepime. https://www.webmd.com/drugs/2/drug-18425/cefepime-intravenous/details. Imechukuliwa 13/09/2021

FDA. Cefepime. https://www.accessdata.fda.gov/drugsatfda_docs/label/2012/050679s036lbl.pdf. Imechukuliwa 13/09/2021

Drugbank. Cefepime. https://go.drugbank.com/drugs/DB01413. Imechukuliwa 13/09/2021
bottom of page