top of page

Mwandishi:

Dkt. Sospeter M, MD

Mhariri:

Dkt. Lugonda B, MD

14 Septemba 2021 09:14:14

Dawa Cefpodoxime

Dawa Cefpodoxime

Cefpodoxime ni antibiotiki ya kizazi cha tatu cha cephalosporin inayotumika kutibu magonjwa yatokanayo na bakteria wa gram hasi na gram chanya.


Majina mengine ya Cefpodoxime


Majina mengine ya Cefpodoxime ni vantin


Dawa zilizo kundi moja na Cefpodoxime


Dawa zilizo kundi moja na cefpodoxime ni ;

  • Ceftriaxone

  • Cefixime

  • Ceftibuten

  • Ceftazidime

  • Cefotaxime


Fomu na uzito wa cefpodoxime


Cefpodoxime hupatikana katika fomu ya;

  • Suspesheni

  • Vidonge


Suspesheni huwa na uzito wa;


  • 50mg/5mls

  • 100mg/5mls


Vidonge huwa na uzito wa;


  • 100mg

  • 200mg


Cefpodoxime hutibu nini?


Cefpodoxime hutibu magonjwa yanayotokana na bakteria wanaodhuriwa na dawa hii mfano;

  • Hutibu maambukizi katika mfumo wa mkojo

  • Hutibu Nimonia

  • Hutibu maambukizi ya bakteria kwenye ngozi

  • Hutibu maambukizi kwenye koo

  • Hutibu maambukizi kwenye mfumo wa hewa

  • Hutumika kutibu kaswende

  • Hutumika kutibu sepsisi na septikemia


Vimelea wanaodhuriwa na Cefpodoxime


  • Bacteroides fragilis

  • Staphylococcus spp

  • Streptococcus spp

  • Clostridium perfringens

  • Morexella catarrtialis

  • Escherichia coli

  • Haemophilus spp

  • Klebsiella spp.

  • Neisseria spp

  • Proteus spp


Namna Cefpodoxime inavyofanya kazi

Cefpodoxime hufanya kazi ya kuzuia utengenezaji wa kuta za seli ya bakteria kwa kufunga milango inayotumiwa na penicillin. Hii hupelekea kutokamilika utengenezaji wa bakteria na kuyeyuka kwa bakteria kuyeyuka kwa kumeng’enywa.


Mwingiliano wa Cefpodoxime na chakula


Dawa hii inatakiwa kutumika pamoja na chakula kwani chakula husaidia kuongeza ufozwaji wa dawa.


Wagonjwa wasiopaswa kutumia Cefpodoxime


Wagonjwa wenye mzio wa hii na dawa nyingine jamii ya Cephalosporin

Wagonjwa wenye mzio wa Penicillin


Utoaji taka wa Cefpodoxime mwilini


Asilimia 80 ya dawa hutolewa kwa njia ya mkojo ndani ya masaa 24.


Dawa zenye muingiliano na Cefpodoxime


Dawa zenye mwingiliano mkali na hivyo kutofaa kutumika pamoja na Cefpodoxime;

  • Argatroban

  • Bivalirudin

  • Chanjo hai ya BCG

  • Chanjo ya kipindupindu

  • Dalteparin

  • Enoxaparin

  • Fondaparinux

  • Heparin

  • Warfarin


Dawa zinazoweza kutumika na Cefpodoxime chini ya uangalizi;


  • Aluminum hydroxide

  • Azithromycin

  • Bazedoxifene/conjugated estrogens

  • Calcium carbonate

  • Cimetidine

  • Clarithromycin

  • Demeclocycline

  • Didanosine

  • Dienogest/estradiol valerate

  • Digoxin

  • Doxycycline

  • Erythromycin base

  • Erythromycin lactobionate

  • Erythromycin stearate

  • Esomeprazole

  • Famotidine

  • Ibuprofen/famotidine

  • Minocycline

  • Nizatidine

  • Omeprazole

  • Probenecid

  • Rabeprazole

  • Sodium bicarbonate

  • Tetracycline

  • Warfarin


Dawa zenye muingiliano mdogo na cefpodoxime;


  • Ceftibuten

  • Choline magnesium trisalicylate

  • Furosemide

  • Rose hips

  • Willow bark


Matumizi ya Cefpodoxime kwa mama mjamzito na anayenyonyesha


Matumizi ya Cefpodoxime kwa mama mjamzito

Tafiti zinaonesha dawa hii inaweza kutumiwa na mama mjamzito na isilete madhara kwa mtoto.


Matumizi ya Cefpodoxime kwa mama anayenyonyesha


Dawa hii inatolewa njee kupitia maziwa ya mama hivyo haishauriwi kwa mama anayenyonyesha.


Maudhi ya Cefpodoxime;


  • Kichefuchefu

  • Kuharisha

  • Maumivu ya tumbo

  • Kupata maambukizi ya vimelea ukeni

  • Homa

  • Kutapika

  • Kuwasha mwilini na kupata vipele

  • Kichefuchefu

  • Kizunguzungu

  • Maumivu ya kichwa


Ufanye nini endapo utasahau kutumia dozi yako?


Kama umesahau kutumia dozi yako tumia mara pale utakapokumbuka, kama muda wa dozi inayofata umekaribia usimeze dozi uliyosahau endelea na dozi inayofuata kwa muda uliopangiwa na daktari. Usimeze dozi mbili kufidia uliyosahau.

ONYO: Usitumie dawa yoyote bila ushauri wa daktari. Dawa zinaweza kuleta madhara mwilini na pia matumizi ya baadhi ya dawa pasipo ushauri na vipimo husababisha  vimelea kuwa sugu dhidi ya dawa hiyo.
ULY clinic inakushauri kuwasiliana na daktari wako unapotaka kuchukua maamuzi yoyote yanayohusu afya yako.
Wasiliana na daktari/Mfamasia wa ULY clinic kwa ushauri na Tiba au kuandikiwa dawa kwa kupiga simu au Kubonyeza Pata tiba chini ya tovuti hii.

Imeboreshwa,

23 Julai 2023 16:54:25

Rejea za mada hii:-

bottom of page