Dawa Clofazimine

Clofazimine ni moja ya antibiotiki jamii ya riminophenazine iliyo kwenye kundi la antitubakula, hutumika pamoja na dawa zingine kutibu ukoma. Hufanya kazi kwa kuua bakteria aina ya mycobacterium leprae (Hensen’s bacillus).

Majina mengine ya Clofazimine

Majina mengine ya Clofazimine ni;

• Clofaz

• Clofozine

• Fazim

• Hansepran

• Lamprene

Dawa zilizo kundi moja na Clofazimine

Dawa zilizo kundi moja na Clofazimine ni ;

• Isoniazid

• Rifampicin

• Pyrazinamide

• Ethambutol

• Bedaquiline

• Dapsone

Fomu ya dawa ya Clofazimine

Dawa hii ipo katika fomu ya tembe yenye uzito wa 50mg.

Clofazimine hutibu nini?

• Hutumika kutibu ukoma

• Hutibu ukoma sugu kwenye dapson

• Hutibu madhara ya ukoma kama erythema nodosum leprosum

Ili vimelea vya ukoma visitengeneze usugu kwenye dawa hii, inashauriwa clofazimine itumike pamoja nadawa zingine kutibu ukoma.

Namna Clofazimine inavyoweza kufanya kazi

Ingawa namna halisi clofazimine inavyofanya kazi haifahamiki, uwezo wake wa kitiba unaonekana kutokana na uwezo wake wa kuharibu ukuta wa bakteria. Dawa hii huingiliana na phospholipid kijenzi maalumu kwenye ukuta wa bakteria wa ukoma na kutengeneza lysophospholipids na kufanya ukuta usijikimu na kiasi cha kuharibu uwezo wake wa kuingiza K+ ndani ya bakteria na kisha kushindwa kuzalisha nishati na kufa.

Uwezo wa clofazimine kupunguza michomo kinga hutokana na matokeo ya kuzuia uamshwaji wa chembe T za ulinzi mwilini.

Vimelea wanaodhuriwa na Clofazimine

Mycobacterium leprae

Ufozwaji wa dawa na mwingiliano na chakula

Mara baada ya kunywa dawa, asilimia 45 hadi 62 ya dawa hufyonzwa kwenye utumbo na kuingia kwenye damu. Matumizi ya Clofazimine pamoja na chakula huongeza ufyonzwaji wake kwa asilimia 30 ukilinganisha na matumizi bila chakula. Hakuna chakula kilichofahamika kuwa na mwingiliano na chakula.

Utoaji taka wa Clofazimine mwilini

Kiasi Fulani cha dawa hupatikana kwenye kinyesi na hivyo kuweza kusema dawa hii hutolewa kwa njia ya kinyesi wakati kiasi kingine kidogo hupatikana kwenye jasho, mafuta ya ngozi na mate. Utoaji wa mazao ya umetaoli wa dawa kwenye mkojo uliokusanywa masaa 24 umetoa majibu ya kiasi kidogo sana kisicho na mashiko.

Wagonjwa wasiopaswa kutumia Clofazimine

Wagonjwa wenye mzio wa Clofazimine.

Wagonjwa wenye mzio wa dawa jamii ya antitubekula

Dawa zenye mwingiliano na Clofazimine

Dawa zenye mwingiliano mkali na hivyo kutofaa kutumika pamoja na Clofazimine;

• Entrectinib

• Fexinidazole

• Glasdegib

• Hydroxychloroquine sulfate

• Ivosidenib

• Lefamulin

• Macimorelin

• Pitolisant

• Ribociclib

Dawa zinazoweza kutumika na Clofazimine chini ya uangalizi;

• Azithromycin

• Chloroquine

• Deutetrabenazine

• Dofetilide

• Escitalopram

• Fostemsavir

• Gemtuzumab

• Lofexidine

• Osilodrostat

• Oxaliplatin

• Ozanimod

• Selpercatinib

• Sodium picosulfate/magnesium oxide/anhydrous citric acid

• Sodium sulfate/?magnesium sulfate/potassium chloride

• Sodium sulfate/potassium sulfate/magnesium sulfate

• Triclabendazole

• Voclosporin

Matumizi ya Clofazimine kwa mama mjamzito na anayenyonyesha

Matumizi ya Clofazimine kwa mama mjamzito

Tafiti zinaonesha kuwa dawa hii hupitia kwenye kondo la nyuma na kuingia kwa mtoto. Inapoingia kwa mtoto hubadilisha rangi ya ngozi ya mtoto na hivyo haishauriwi kutumika kwa mjamzito.

Matumizi ya Clofazimine mama anayenyonyesha

Tafiti zinaonesha kuwa dawa hii inasambaa kwenye maziwa ya mama hivyo isitumike kwa mama anayenyonyesha.

Maudhi ya Clofazimine

• Kubadirika kwa rangi ya ngozi

• Kuwashwa mwili

• Vipele

• Maumivu ya tumbo

• Kuharisha

• Kutapika

• Kichefuchefu

• Kukosa hamu ya kula

• Kupata choo kigumu

• Manjano

• Kizunguzungu

• Mwili kuchoka

• Kichwa kuuma

• Maumivu ya mifupa

• Kupungukiwa damu

• Homa

• Kushindwa kutambua radha

• Ini kuongezeka

Ufanye nini endapo utasahau kutumia dozi yako?

Ni muhimu sana kutumia dozi yako kwa wakati sahihi. Kama umesahau kutumia dozi kwa wakati sahihi muone daktari au mfamasia wako ili akupe maelekezo ya kutumia dozi nyingine inayofuatia.