Dawa Ethambutol

Ethambutol ni moja kati ya antibiotic katika kundi la antitubercular inayotumika kutibu maambukizi ya bakteria aina ya mycobacteria tuberculae moja wa bakteria anayesabisha kifua kikuu (TB). Ethambutol hufahamika kwa jina jingine kama myambutol

Dawa zilizo kundi moja na Ethambutol

Dawa zilizo kundi moja na ethambutol ni ;

• Isoniazid

• Rifampicin

• Pyrazinamide

Fomu na uzito wa Ethambutol

Dawa hii ipo katika fomu vidonge vyenye uzito wa miligramu

• 100

• 400

Ethambutol hutibu nini?

Hutumika kutibu kifua kikuu (TB)

Namna Ethambutol inavyoweza kufanya kazi katika tiba

Ufanyaji kazi wake kutibu maambukizi ya TB bado haufahamiki, hata hivyo kuna ushahidi kwamba dawa hii hufanya kazi kwa kuzuia kimeng’enya cha arabinosyl transferase kinachohusika katika, utengenezaji wa kuta ya nje ya bakteria na hivyo kuzuia uzalianaji wa bakteria wa TB.

Ufozwaji wa ethambutol

Ufozwaji wa dawa hii hufanyika vizuri ikiingia kwenye mfumo wa chakula

Vimelea wanaodhuriwa na Ethambutol

Mycobacteria tuberculae

Mwingiliano wa Ethambutol na chakula

Dawa hii huweza kutumika pamoja na au bila chakula kwa kuwa ufyonzaji wake hauathiriwi na chakula. Hata hivyo kama ukitumia bila chakula unapata uchokozi wa tumbo, tumia pamoja na chakula

Tahadhari ya matumizi na watu wasiopaswa kutumia dawa ya ethambutol

Tahadhari inapaswa kuchukuliwa kwa wagonjwa wenye matatizo ya macho kwa sababu dawa hii inaweza kusababisha kupungua kwa uono

Wagonjwa wengine wanaopaswa kuchukua tahadhari ni wale wenye;

• Magonjwa ya macho kama michomo kinga kwenye uveitis na iritis

• Wenye matatizo ya macho kutokana na kisukari

• Wenye mtoto wa jicho

• Wenye magonjwa ya ini

• Wenye magonjwa ya figo

• Wenye gauti

Wagonjwa wasiopaswa kutumia Ethambutol

• Wagonjwa wenye mzio wa Ethambutol.

• Wagonjwa wenye mzio wa dawa jamii ya antitubercular.

Utoaji taka za Ethambutol mwilini

Kiwango kikubwa cha dawa hii hutolewa kwa njia ya mkojo na kiwango kidogo hutolewa kupitia kinyesi

Dawa zenye muingiliano na Ethambutol

Dawa zenye mwingiliano mkali na hivyo kutofaa kutumika pamoja na Ethambutol;

• Chanjo hai ya BCG

Dawa zinazoweza kutumika na Ethambutol chini ya uangalizi;

• Allupurinol

• Aluminum hydroxide

• Magnesium carbonate

• Magnesium trisilicate

• Febuxostat

• Probenecid sodium picosulfate

Matumizi ya Ethambutol kwa mama mjamzito

Tafiti zinaonesha kuwa dawa hii inaweza kuleta madhara kwa mtoto. Hivyo haishauriwi kutumia dawa hii wakati wa ujauzito.

Matumizi ya Ethambutol mama anayenyonyesha

Dawa hii inaingia kwenye maziwa ya mama anayenyosha hivyo haitakiwi kutumika ama kimoja kati ya dawa na kunyonyesha mama anaweza akaacha kulingana na uhitaji.

Maudhi madogo ya Ethambutol

• Kukosa hamu ya kula

• Kuchanganyikiwa

• Kichwa kuuma

• Upele

• Kuharisha

• Maumivu ya tumbo

• Kichefuchefu

• Kutapika

• Kuchoka

• Mwili kuwasha sana

• Uono hafifu au uliofifia

• Kupoteza uono kwenye jicho moja kunakodumu saa moja au zaidi

• Kuongezeka kwa hisia za macho

• Kupoteza uono kwenye rangi

• Maumivu jicho linapocheza au nyuma ya jicho

• Mkojo uliopuka, kunyesi cha kilichopauka na manjano

• Mzio mkali wa ngozi

Ufanye nini endapo utasahau kutumia dozi yako?

Kama umesahau kutumia dozi yako tumia mara pale utakapokumbuka, kama muda wa dozi inayofata umekaribia usimeze dozi uliyosahau endelea na dozi inayofuata kwa muda uliopangiwa na daktari. Usimeze dozi mbili kufidia uliyosahau.