Dawa Fluticasone

Ni dawa aina jamii ya corticosteroid maarufu kwa jina jingine la Clarispray au Flonase. Dawa hii ni moja ya dawa zinazotumika kunyunyiza ndani ya pua.

Uzito na fomu ya Fluticasone

Hupatikana katika fomu ya maji yanayotumika kwa kunyunyiza puani

Dawa huwa na uzito wa mikrogramu

• 27.5mcg/ kwa mnyunyizo mmoja

• 50mcg/kwa mnyunyizo mmoja

• 93 mcg/ kwa mnyunyizo mmoja

Namna Fluticasone inavyoweza kufanya kazi

Dawa hii hufanya kazi katika mfumo wa kinga ya mwili kwa kupunguza uvimbe, wekundu na kuwashwa kutokana na mwitikio wa kinga za mwili kwenye kiamsha mzio, kazi hii hufanikiwa kwa kusinyaza mishipa ya damu kwenye eneo lililonyunyiziwa dawa.

Matumizi ya Fluticasone

• Hutumika kutibu mafua yanayochuruzika kutokana na mzio

• Hutumika kwa kutibu wagonjwa wa nyama za pua

• Hutibu eczema

• Soriasis

• Harara kwenye ngozi kutokana na mzio

Wagonjwa wasiopaswa kutumia Fluticasone

Wagonjwa wenye mzio na dawa jamii ya Fluticasone au dawa zingine jamii ya corticosteroid

Utoaji taka wa Fluticasone

Chini ya asilimia 2 ya dawa hutolewa kwa njia ya mkojo na asilimia zinazobaki hutolewa kwa njia ya kinyesi.

Namna ya kutumia dawa

• Tikisa taratibu chupa ya dawa

• Jaribu kunyunyiza kwanza kama ni chupa mpya au kama hunyanyunyiza kwa muda wa wiki au zadi

• Unapotumia, elekeza mbali na macho

• Peng'a pua kwanza kabla ya kunyunyiza dawa puani

Endapo utatumia dozi kubwa kuliko kawaida

Kutumia dozi kubw akuliko kawaida mara nyingi hakutokei kwa sababu dawa ni ya kunyunyiza puani. Hata hivyo ikitokea umekunywa kwa bahati mbaya, wasiliana na huduma za dharura kwa msaada zaidi

Tahadhari kwa matumizi ya fluticasone

Huweza kuficha maambukizi makali puani ikiwa pamoja na maambukizi ya fangasi Huweza kuongeza ukali wa maambukizi ya virusi kwenye pua Huchelewesha kupona kwa vidonda vya puani kutokana na maambukizi, upasuaji n.k

Mwingiliano wa Fluticasone na dawa zingine

• Dawa zenye mwingiliano mkali za kuzuia dawa hii kutumika pamoja na dawa zingine; Atazanavir

• Clarithromycin

• Conivaptan

• Darunavir

• Fosamprenavir

• Imatinib

• Indinavir

• Isoniazid

• Itraconazole

• Ketoconazole

• Kopinavir

• Nefazodone

• Nelfinavir

• Nicardipine

• Posaconazole

• Quinidine

• Ritonavir

• Saquinavir

• Tipranavir

• Voriconazole
  

Fluticasone ikitumika na dawa zifuatazo mgonjwa anapaswa kuwa chini ya ungalizi wa karibu na mtaalamu wa afya:

• Fedratinib

• Letermovir

• Ribociclib

• Ribociclib

• Rucaparib

• Stiripentol

• Tazemetostat

Matumizi ya Fluticasone kwa mama mjamzito

Hakuna tafiti yeyote inayoonyesha kuwa kuna madhara endapo itatumika kwa mama mjamzito. Tafiti zinaonyesha dawa hii hupita kwenye kondo kwenda kwa mtoto kwa wanyama kama panya na paka.

Matumizi ya Fluticasone kwa mama anayenyonyesha

Hakuna tafiti zinazoonyesha kuwa dawa hii inapita kwenye maziwa ya mama, madhara yake kwa mtoto anayenyonya maziwa ya mama.

Maudhi madogo ya Fluticasone

• Kuongezeka hali ya kutokwa damu puani

• Kutokwa na damu puani

• Kuchuruzika kw mafua

• Hisia za

• Wekundu na mabaka kwenye koo au puani

• Homa

• Kutetemeka

• Maumivu ya mwili

• Maumivu ya macho

• Uono hafifu

• Kutopana kwa kidonda

• Ongezeko la uchovu

• Udhaifu wa misuli

• Maumivu ya kichwa

• Kichefuchefu

• Kutapika

• Kikohozi

• Koo chungu

• Hisia za kuungua au kuwashwa ndani ya pua

Je endapo utasahau dozi yako ufanyaje ?

Kama umesahau kutumia dozi yako, tumia mara pale utakapokumbuka