Dawa levamisole

Ni dawa ya kutengenezwa kiwandani iliyo na asili ya imidazothiazole na jamii ya anthelmintics. Levamisole ilikuwa inatumika kutibu maambukizi ya minyoo, bakteria na virusi kwa binadamu na wanyama.

Kutokana na uwezo wake wa kuingilia mfumo wa kinga, dawa hii iliwahi kutumika pia katika matibabu ya magonjwa ya kujishambulia kwa mfumo wa kinga na kama tiba nyongeza katika matibabu ya saratani.

Kwa sababu ya madhara yake ya kusababisha upungufu mkali wa chembe nyeupe za damu, dawa hii iliondolewa sokoni na FDA mwaka 2000 na hivyo haitumiki kwa binadamu.

Majina mengine ya levamisole

Levamisole huwa na majina mengine kama Ergamisol (Janssen) / Ketrax (AstraZeneca)

Uzito na fomu ya levamisole

Levamisole hupatikana katika fomu ya kidonge

• Milligrammu 50

• Milligrammu 100

Dawa kundi moja na levamisole

Dawa zingine zilizo kundi moja na levammisole yaani anthelminthic ni;

• Albendazole

• Thiabendazole

• Ivermectin

• Praziquantel

• Diethylcarbamazine

• Triclabendazole

• Moxidectin

• Pyrantel pamoate

Levamisole hutibu nini?:

• Hutibu maambukizi ya minyoo jamii ya Enteroblus Vermicularis

• Hutibu maambukizi yanayosababishwa na minyoo jamii ya Ascaris Lumbricodes

• Hutibu maambukizi ya minyoo yanayoitwa trichuris trichiura

• Hutibu ukoma

• Hutibu magonjwa ya madhaifu ya kolajeni katika mishipa ya damu

• Hutibu magnjwa ya ngozi kutokana na shambulio la kinga ya mwili

• Hutumika na dawa zingine kutibu saratani kama saratani ya utumbo

• Hutibu vidonda vya kinywa

• Hutibu ugonjwa wa nephrotic sindromu

Namna levamisole inavyoweza kufanya kazi

• Levamisole hufanya kazi kwa kuzuia ufanyaji kazi wa misuli ya minyoo na hivyo kushindwa kujamiana na kufa.

• Haifahamiki namna gani dawa hii hufanya kazi kama dawa ya saratani inapochanganywa na fluorouracil.

Vimelea wanaodhuriwa na levamisole

• Echinococcus

• Ancylostoma

• Trichostrongylus

• Enteroblus

• Trichuris Trichiura

Wagonjwa wasiopaswa kutumia levamisole

Levamisole haipaswi kutumika kwa wagonjwa wenye mzio na dawa hii. Tahadhari inapaswa kuchukuliwa pia kwa wagonjwa wenye Baridi yabisi, sindromu ya Sjogren, kifafa na magonjwa ya ini

Ufyonzwaji wa levamisole

Zaidi ya asilimia 80 ya Levamisole hufyonzwa haraka na kuingia kwenye damu ndani ya masaa 2 baada ya kunywa.

Umetaboli

Dawa hii hufanyiwa umetaboli kwenye ini

Matumizi ya levamisole kwa mama mjamzito

Hakuna tafiti za kutosha kwa binadamu kuonyesha madhara yake mbali na kusababisha upungufu wa chembe nyeupe za damu. Hata hivyo tafiti za wanyama zinaonyesha dawa inaweza kuwa sumu kwa kichanga. Matumizi ya dawa hii yanapswa kuzingatia faida inayopatikana dhidi ya madhara yanayoweza kujitokeza.

Matumizi ya levamisole kwa mama anayenyonyesha

Hakuna tafiti za kutosha kuonyesha madhara ya dawa hii kwa mtoto wa mama anayetumia dawa hii. Matumizi ya dawa yanapaswa kuzinatia faida na madhara yanayoweza kujitokeza.

Mwingiliano wa levamisole na dawa zingine

Dawa zenye mwingiliano na levamisole ni:

• Capecitabine

• Doxifluridine

• Fluorouracil

• Tegafur

• Warfarin

• Ivermectin

• Albdendazole

Vitu vingine vyenye mwingiliano na levamisole

Levamisole pia inaweza kuingiliana na pombe, sigara na baadhi ya vyakula. Ongea na daktari wako kuhusu matumizi ya dawa hii na vitu vingine kama yanafaa.

Maudhi madogo ya levamisole

Maudhi ya mara kwa mara

Homa

Kutetemeka

Kuhisi bughudha mwilini

Kuharisha

Ladha ya umetali

Kichefuchefu

Maudhi ya mara chache

• Wasiwasi

• Kizunguzungu

• Maumivu ya kichwa

• Msongo wa mawazo

• Harara kwenye ngozi

• Kuwashwa

• Kukosa usingizi

• Uchovu mkali usio wa kawaida

• Ndoto za kutisha

• Kutapika

• Maumivu ya misuli

• Maumivu ya maungio ya mwili

Maudhi ya nadra sana

• Kuchanganyikiwa

• Uono hafifu( kuona ukungu)

• Kupoteza fahamu

• Kuvimba mwa midomo

• Ganzi na hisia za kuchomachoma kwenye uso, mikono na miguu

• Hisia za kutishiwa au kuhukumiwa

• Kuvimba kwa mashavu

• Kutetemeka mwili au mikono

• Kushindwa tembea

• Kushindwa dhibiti mjongeo wa mikono na miguu

Je endapo utasahau dozi yako ufanyaje ?

Kama umesahau kutumia dozi yako, acha dozi uliyosahau na subiri muda wa kunywa dozi nyingine kisha utumie kama ulivyoandikiwa na daktari wako. Usitumie dozi mbili kwa wakati mmoja.

Uhifadhi ya levamisole

Hifadhi dawa yako kwenye kikopo cha kutunzia dawa kilichokuja na dawa na katika joto la mazingira. Usiweke kwenye friji au sehemu yenye mwanga wa jua au joto ili kuepuka kuiharibu dawa.