top of page

Mwandishi:

Dkt. Sospeter M, MD

Mhariri:

Dkt. Lugonda B, MD

23 Septemba 2021 09:41:38

Dawa Pamidronate

Dawa Pamidronate

Pamidronic acid ni dawa ya kizazi cha pili cha bisphosphonate inayotumika katika matibabu ya ugonjwa wa Paget, kushusha kiwango cha juu cha kalisiamu kwenye damu kinachotokana na saratani na mifupa dhaifu.


Majina mengine ya Pamidronate


Majina mengine ya Pamidronate ni;

Aredia Pamisol


Dawa zilizo kundi moja na Pamidronate


Dawa zilizo kundi moja na Pamidronate ni;


  • Risedronate

  • Etidronate

  • Alendronate

  • Ibadronate

  • Zoledronate


Fomu ya dawa ya Pamidronate


Dawa hii ipo katika fomu ya Unga kwa ajili ya kutumika kama sindano wenye uzito wa 30mg Kimiminika kwa ajili ya sindano chenye uzito wa;


  • 3mg/ml

  • 6mg/ml

  • 9mg/ml


Pamidronate hutibu nini?


  • Hutumika kutibu ugonjwa wa paget

  • Hutumika kutibu hyperkalsemia ya saratani

  • Hutumika kutibu saratani ya matiti iliyosambaa kwenye

  • Hutumika kutibu saratani ya multiple myeloma iliosambaa kwenye mifupa

  • Hutumika kukinga udhaifu wa mifupa kutonana na upungufu wa Androgen


Namna Pamidronate inavyoweza kufanya kazi


Dawa jamii ya Bisphosphonates kama ikiwa pamoja na Etidronate hufyonzwa na chembe na mifupa kisha kujishikiza kwenye hydroxyapatite. Kujishikiza huku husababisha kutengeneza mazingira ya utindikali na kuzalishwa kwa bisphosphonate inayosaidia chembe za osteoclast kuzuia kufyonzwa kwa kwa madini kalisiamu yaliyo kwenye mifupa.


Ufozwaji wa dawa


Ufozwaji wa dawa hii hufanyika vizuri ikiingia kwenye mishipa.


Mwingiliano wa Pamidronate na chakula


Hakuna mwingiliano uliolipotiwa kama ikitumika na chakula


Utoaji taka wa Pamidronate mwilini


Dawa hii hutolewa kwa njia ya mkojo bila kufnayiwa umetaboli. Nusu maisha yake ni masaa 28±7.


Wagonjwa wasiopaswa kutumia Pamidronate


Wagonjwa wenye mzio wa Pamidronate

Wagonjwa wenye mzio wa dawa jamii ya kalisiamu


Dawa zenye muingiliano na Pamidronate


Dawa zenye mwingiliano mkali na hivyo kutofaa kutumika pamoja na Pamidronate; Tafiti zinaonesha hakuna dawa yenye muingiliano mkali na Pamidronate. Dawa zinazoweza kutumika na Pamidronate chini ya uangalizi;


  • Aluminum hydroxide

  • Calcium acetate

  • Calcium carbonate

  • Calcium chloride

  • Calcium citrate

  • Calcium gluconate

  • Dichlorphenamide

  • Sodium bicarbonate

  • Sodium citrate/citric acid

  • Tenofovir df


Dawa zenye mwingiliano mdogo na Pamidronate;


  • Entecavir

  • Foscarnet

  • Teriparatide


Matumizi ya Pamidronate kwa mama mjamzito na anayenyonyesha


Matumizi ya Pamidronate kwa mama mjamzito Hakuna tafiti zinazoonesha madhara ya dawa kwa mama mjamzito na kwa mtoto aliye tumboni hivyo hairuhusiwi kwa mama mjamzito. Matumizi ya Pamidronate mama anayenyonyesha Hakuna tafiti zinazoonesha madhara ya dawa hii kwa mama anayenyonyesha, kwa mtoto na katika uzalishwaji wa maziwa hivyo hairuhusiwi kutumiwa na mama anayenyonysha.


Maudhi ya Pamidronate


  • Maumivu ya tumbo

  • Maumivu ya kichwa

  • Maumivu ya mifupa, misuli na viungio vya mwili

  • Degedege

  • Homa

  • Kupungukiwa damu

  • Kizunguzungu

  • Maambukizi kwenye mfumo wa mkojo

  • Kutapika

  • Kichefuchefu

  • Maambukizi kwenye mfumo wa juu wa hewa

  • Kikohozi

  • Kupoteza hamu ya kula

  • Kupungu kwa kiwango cha kalisiam kwenye damu

  • Madini ya magnesium kupungua


Dalili za kuzidisha dozi;


  • Kupungua kwa kiwango cha kalisiamu kwenye damu

  • Homa

  • Kushuka kwa shinikizo la damu

  • Kubadilika kwa ladha


Ufanye nini endapo utasahau kutumia dozi yako?


Ni muhimu sana kutumia dozi yako kwa wakati sahihi. Kama umesahau kutumia dozi kwa wakati sahihi muone daktari wako ili aweze kukupangia muda sahihi wa kutumia dozi inayofata.

ONYO: Usitumie dawa yoyote bila ushauri wa daktari. Dawa zinaweza kuleta madhara mwilini na pia matumizi ya baadhi ya dawa pasipo ushauri na vipimo husababisha  vimelea kuwa sugu dhidi ya dawa hiyo.
ULY clinic inakushauri kuwasiliana na daktari wako unapotaka kuchukua maamuzi yoyote yanayohusu afya yako.
Wasiliana na daktari/Mfamasia wa ULY clinic kwa ushauri na Tiba au kuandikiwa dawa kwa kupiga simu au Kubonyeza Pata tiba chini ya tovuti hii.

Imeboreshwa,

23 Julai 2023 16:56:16

Rejea za mada hii:-

Medscape. Ibandronate. https://reference.medscape.com/drug/boniva-ibandronate-342871#0. Imechukuliwa 21/09/2021.

Webmd.Ibandronate. https://www.webmd.com/drugs/2/drug-92883/ibandronate-oral/details. Imechukuliwa 21/09/2021.

Drugbank. Ibandronate. https://go.drugbank.com/drugs/DB00710. Imechukuliwa 21/09/2021.
bottom of page