Dawa ya Butoconazole

Butoconazole ni dawa mojawapo ya kutibu magonjwa ya fangasi iliyoko katika kundi la dawa linaloitwa antifangasi aina ya imidazole. Dawa hii huwa maarufu pia kwa jina la Femstat 3.

Fomu ya dawa Butoconazole

Butoconazole hupatikana katika fomu ya krimu yenye ujazo mbalimbali wenye asimilia 2 ya kiini cha dawa

Namna Butoconazole inavyofanya kazi

Dawa ya Butoconazole ni aina ya dawa kutoka kundi la antifangasi aina ya imidazole. Ufanyaji kazi wa dawa hii haujulikani lakini husababisha kuzuia utengenezaji wa homoni muhimu katika ukuta wa seli ya fangasi ijulikanacho kama egosteroli.

Dawa kundi moja na Butoconazole

Dawa hii ipo katika kundi sawa na dawa zifuatazo: • Bifonazole • Clotrimazole • Econazole • Fenticonazole • Isoconazole • Ketoconazole • Luliconazole • Miconazole • Omoconazole • Oxiconazole • Sertaconazole • Sulconazole • Tioconazole

Kazi ya Butoconazole

Hutumika kwenye matibabu ya fangasi

Wagonjwa wasiopaswa kutumia Butoconazole

Wagonjwa wenye aleji na dawa hii au jamii ya dawa za Antifangasi

Matumizi ya Butoconazole kwa mama mjamzito

Dawa hii ipo kwenye kundi C ya usalama wa dawa kipindi cha ujauzito Dawa hii hushauriwa kutumika wakati wa kipindi cha ujauzito

Matumizi ya Butoconazole kwa mama anayenyonyesha

Takwimu hazijaonyesha kuwa kuna uwezekano wa hii dawa kuingia kwenye maziwa ya mtoto ila itumike kwa wamama wajawazito kwa uangalifu.

Maudhi ya Butoconazole

Baadhi ya maudhi madogo ya dawa hii yanayoweza kujitokeza ni pamoja na : • Kupata vipele • Kuhisi kuungua • Maumivu ya tumbo • Kuwashwa mwili

Ukisahau dozi ya Butoconazole

Je endapo utasahau dozi yako ufanyaje? Endapo ukisahau tumia dozi yako, tumia mara pale utakapokumbuka, na endapo muda umekaribia wa dozi nyingine acha dozi uliyosahau na endelea na dozi yako kama ulivyopangiwa na daktari wako.