top of page

Mwandishi:

Dkt. Sospeter M, MD

Mhariri:

Dkt. Lugonda B, MD

26 Oktoba 2020 13:55:03

Dawa ya Ravuconazole

Dawa ya Ravuconazole

Ravuconazole ni dawa mojawapo ya kutibu magonjwa ya fangasi iliyopo katika kundi la dawa linaloitwa antifangasi jamii ya Triazole.

Fomu na uzito wa Ravuconazole


Dawa hii hupatikana kama kidonge chenye miligramu 100


Dawa zilizo kundi moja na Ravuconazole


Dawa hii ipo katika kundi sawa na dawa zifuatazo;


  • Efinaconazole

  • Epoxiconazole

  • Isavuconazole

  • Itraconazole

  • Posaconazole

  • Propiconazole

  • Albaconazole

  • Terconazole

  • Voriconazole


Namna Ravuconazole inavyofanya kazi


Dawa ya Ravuconazole hufanya kazi kwa kufungamana na steroli (ergosteroli) kwenye kuta za seli ya fangasi. Kwa kufanya hivi hutengeneza matundu kwenye ukuta wa seli ya fangasi na kufanya ife. Ergosteroli ni aina ya steroli ambayo ni kuu katika ukuta wa seli ya fangasi na ni sehemu ambayo dawa hii hufanya kazi yake na dawa zingine jamii ya Triazole.


Kazi ya dawa Ravuconazole


Hutumika kwenye matibabu ya maradhi ya fangasi waliosambaa mwili mzima


Dawa zisizopaswa kutumika pamoja na Ravuconazole


Dawa hii haipaswi kutumika pamoja na dawa zifuatazo kwa kuwa huwa na mwingiliano wa hatari:


  • Alfuzosin

  • Alprazolam

  • Cobimetinib

  • Conivaptan

  • Dihydroergotamine

  • Dihydroergotamine intranasal

  • Disopyramide

  • Dronedarone

  • Eliglustat

  • Flibanserin

  • Ibutilide


Wagonjwa wasiopaswa kutumia Ravuconazole


Wagonjwa wenye aleji na dawa hii au jamii ya dawa za Antifangasi


Matumizi ya Ravuconazole wakati wa ujauzito


Dawa hii bado haijapewa kundi la usalama wa dawa kipindi cha ujauzito


Dawa hii inaweza kutumika endapo itahitajika sana kwa mama mjamzito bila kuwepo kwa dawa nyingine mbadala


Matumizi ya Ravuconazole wakati wa kunyonyesha


Hakuna takwimu zinazoonyesha kuwa dawa hii hutolewa kwenye maziwa ,Inaweza kutolewa kwa tahadhari

Maudhi ya Ravuconazole


Baadhi ya maudhi madogo ya dawa hii ni pamoja na;


  • Kutapika

  • Maumivu ya tumbo na kichwa

  • Kizunguzungu

  • Kuharisha

  • Mwili kuwa wa njano

  • Kuogopa mwanga


Endapo umesahau dozi ya Ravuconazole


Je endapo utasahau dozi yako ufanyaje ?


Endapo ukisahau kutumia dozi yako, tumia mara pale utakapokumbuka, na endapo muda umekaribia wa dozi nyingine acha dozi uliyosahau na endelea na dozi yako kama ulivyopangiwa na daktari wako.

ONYO: Usitumie dawa yoyote bila ushauri wa daktari. Dawa zinaweza kuleta madhara mwilini na pia matumizi ya baadhi ya dawa pasipo ushauri na vipimo husababisha  vimelea kuwa sugu dhidi ya dawa hiyo.
ULY clinic inakushauri kuwasiliana na daktari wako unapotaka kuchukua maamuzi yoyote yanayohusu afya yako.
Wasiliana na daktari/Mfamasia wa ULY clinic kwa ushauri na Tiba au kuandikiwa dawa kwa kupiga simu au Kubonyeza Pata tiba chini ya tovuti hii.

Imeboreshwa,

23 Julai 2023 16:54:56

Rejea za mada hii:-

1. Dr Fungus.Ravuconazole. https://drfungus.org/knowledge-base/ravuconazole/. Imechukuliwa 13/10/2020

2. PubChem.Ravuconazole.https://pubchem.ncbi.nlm.nih.gov/compound/Ravuconazole. Imechukuliwa 13/10/2020

3. Sciencedirect.Ravuconazole.https://www.sciencedirect.com/topics/medicine-and-dentistry/ravuconazole. Imechukuliwa 13/10/2020

4. Drugbank.Ravuconazole.https://www.drugbank.ca/drugs/DB06440. Imechukuliwa 13/10/2020
bottom of page