Dawa ya Sertaconazole

Sertaconazole ni dawa mojawapo ya kutibu magonjwa ya fangasi iliyoko katika kundi la dawa linaloitwa antifangasi aina ya Imidazole. Dawa hii huwa maarufu pia kwa jina la Ertaczo

Fomu na uzito wa Sertaconazole

Sertaconazole hupatikana katika mfumo wa mafuta yenye

2%

Namna Sertaconazole inavyofanya kazi

Dawa hii hufanya kazi zake kwa kuingilia kimeng’enya kinachoitwa saitokromu P-450 ambayo ni muhimu kwa ubadilishaji wa lanosteroli kwenda ergosteroli. Hii husababisha kupunguza utengenezaji wa ergosteroli kwenye kuta za seli ya fangasi na kusababisha iwe na matundu na kufa

Dawa zilizo kundi moja na Sertaconazole

Dawa hii ipo katika kundi sawa na dawa zifuatazo:

• Bifonazole

• Butoconazole

• Clotrimazole

• Econazole

• Fenticonazole

• Isoconazole

• Ketoconazole

• Luliconazole

• Miconazole

• Omoconazole

• Oxiconazole

• Sulconazole

• Tioconazole

Kazi ya Sertaconazole

Hutumika kwenye matibabu ya maradhi ya fangasi wa ngozi

Wasiopaswa kutumia Sertaconazole

Dawa hii haipaswi kutumika kwa wagonjwa wafuatao:

• Wagonjwa wenye aleji na dawa hii au jamii ya dawa za Antifangasi

Matumizi ya Sertaconazole kwa mama mjamzito

Dawa hii ipo kwenye kundi C ya usalama wa dawa kipindi cha ujauzito

Dawa hii hushauriwa kutumika kwa uangalifu wakati wa kipindi cha ujauzito

Matumizi ya Sertaconazole kwa mama anayenyonyesha

Takwimu hazijaonyesha kuwa kuna uwezekano wa hii dawa kuingia au kuwa kwenye maziwa ya mtoto ila aishauriwi itumike kwa wamama wanaonyonyesha

Maudhi ya Sertaconazole

Baadhi ya maudhi madogo ya dawa hii ni pamoja na;

• Ngozi kuwa kavu

• Kuhisi kuungua

• Kutokwa na vipele

Endapo umesahau kutumia dozi yako ya Sertaconazole

Je endapo utasahau dozi yako ufanyaje?

Endapo ukisahau kunywa dozi yako, kunywa au kupaka mara pale utakapokumbuka, na endapo muda umekaribia wa dozi nyingine acha dozi uliyosahau na endelea na dozi yako kama ulivyopangiwa na daktari wako.