Glicazide

Glicazide ni dawa mojawapo iliyo kwenye kundi la sulfonylurea inayotumika kushusha kiwango cha sukari ya damu kwa wagonjwa wa sukari.

Majina mya kibiashara ya Glicazide

• Diabrezide

• Diaglyk

• Diaikron

• Diamicron

• Gen Gliclazide

• Gen-Gliclazide

• Gliclazide

• Gliklazid

• Glyade

• Glyclazide

Fomula ya kikemikali ya Glicazide

• C15H21N3O3S

Jina la kikemikali la Glicazide

• 1-(3,3a,4,5,6,6a-hexahydro-1H-cyclopenta[c]pyrrol-2-yl)-3-(4-methylphenyl) sulfonylurea

Muonekano wa Glicazide

Ni dawa ya kidonge inaweza kuwa na umbo na rangi mbalimbali kulingana na kiwanda kinachozalisha.

Namna ya kutumia Glicazide

Tumia kama utakavyo elekezwa na daktari wako. Unashauriwa kumeza baada ya kula ili kuepuka hatari ya sukari kushuka kupita kiasi.

Ufanyaji kazi wa Glicazide

• Inachochea seli beta za kongosho kuzalisha insulin ambayo ndiyo hushusha sukari ya damu.

• Inapunguza kasi ya ini kutengeneza sukari

• Inaongeza uwezo wa ufanisi wa vipokezi vya homoni ya insulin kwenye seli za mwili hivyo insulin kufanya kazi vizuri.

Utoaji wa Glicazide mwilini

Takamwili za mabaki yake hutolewa kwa njia ya mkojo na kwenye kinyesi.

Muingiliano wa Glicazide na dawa nyingine

Dawa hizi huweza kuongeza ufanisi wa dawa ya gliclazide:-

Maudhi ya Glicazide

• Kutapika

• Kichefuchefu

• Kutapika

• Maumivu ya tumbo

Madhara ya Glicazide

Kushusha sukari kupita kiasi. Unashauriwa unapotumia dawa hii kutembea na vyakula kama pipi, juisi au biskuti na ule pale unapoona dalili za sukari kushuka kupita kiasi. Dalili hizi ni kama mwili kuchoka na kuishiwa nguvu,kizunguzungu kichwa kuuma.

Tahadhari ya Glicazide

Atari ya sukari kushuka kupita kiasi nirahisi kuwapata wagonjwa wafuatao;

• Wazee

• Wagonjwa wenye upungufu wa virutubisho mbalimbali (utapia mlo)

• Wagonjwa wenye matatizo ya figo

Wagonjwa wasiopaswa kutumia Glicazide

Marufuku kutumiwa na wagonjwa wafuatao;

• Wagonjwa wa sukari inayotibika kwa insulini pekee (sukari aina ya kwanza)

• Wagonjwa ambao ini linashindwa kufanya kazi

• Wagojwa ambao figo zinashindwa kufanya kazi.

Matumizi wakati wa ujauzito na kunyonyesha

Glicazide haitumiki kwa mama mjamzito kwani inaweza kumuathiri mtoto aliyeko tumbomboni huswa wakati wa kuzaliwa. Pia haitumiwi na mama anaenyonyesha kwani inaweza kushusha sukari ya mtoto anae nyonya.

Mama mjamzito atabadilishiwa dawa kama vile kutumia insulini kwa namna atakavyo ona daktari wake.