Levonorgestrel

Levonorgestrel ni dawa mojawapo iliyo kwenye kundi la dawa za progestin, hutumika kama dawa za uzazi wa mpango wa dharura. Dawa hii huzuia kutungishwa kwa mimba kwa kuzia ovari kutoa yai.

Majina ya kibiashara

Dawa hii hufahamika kwa majina mengine ya kibiashara kama;

• Emerginor

• Dawa ya Plan B,

• My Way,

• Aftera,

• Econtra EZ,

• Fallback Solo,

• Opcicon One-Step,

• React,

• Take Action,

• Preventeza n.k

• Dawa ya P2

• Tembe ya uzazi wa dharura P2

Fomu na rangi ya Levonorgestrel

Dawa hii hupatikana katika fomu ya kidonge chenye uzito wa miligramu 0.75 na 1.5

Rangi ya dawa

Rangi ya levonorgestrel mara nyingi huwa nyeupe, hata hivyo inategemea kiwanda kilichotengeneza dawa hii

Namna Levonorgestrel inavyofanya kazi

Dawa hii ya progestin, huzuia utolewaji wa yai kwenye ovari kwa kutoa mrejesho hasi kwenye tezi ya hypothalamus kwamba isiruhusu kutolewa kwa homoni muhimu za ujauzito yaani FSH na LH.

Muda wa kufanya kazi

Mara mtu anavyokunywa dawa hii, huweza hupotea kwenye damu baada ya muda wa masaa 48.8 hadi 52 , nusu maisha yake imeonekana kwenye tafiti nyingi kuwa masaa 24.4 hadi 26.

Dawa zingine zilizo kundi moja na Levonorgestrel

• Norethindrone

• Progesterone

• Megestrol

• Medroxyprogesterone

• Drospirenone

• Etonogestrel

Kazi ya Levonorgestrel

• Hutumika kama njia ya uzazi wa mpango ya dharura endapo umeshiriki ngono siku za hatari bila kondomu au wakati kondomu imepasuka

• Hutumika kuzuia mimba kwa waliobakwa

Wakati gani wa kunywa Levonorgestrel

Dawa hii hutumika ndani ya masaa 72 baada ya kushiriki ngono ziku za hatari tu.

Tahadhari kwa watumiaji wa Levonorgestrel

Endapo una aleji(mzio) na dawa zingine kama norethindrone, mwambie daktari au mfamasia kwa kuwa Levonorgestrel inaweza kukuletea mzio pia. Pia endapo una mzio nayo toa taarifa kuepuka mdhila ya dawa.

Wagonjwa wa ini lililoferi, ujauzito, na wanaotumia dawa ambazo hazipaswi kutumika na dawa hii, hawapaswi kutumia dawa p2

Endapo Levonorgestrel inatumika na dawa zifuatazo, inapaswa kuongezwa dozi kwa kuwa dawa hizo hupunguza kiasi chake kwenye damu na kuongeza hatari ya kupata mimba.

• Rifampicin

  
  

• Carbamazepin

• Phenorbarbital

• Dawa asili ya St. john's

Tafiti zinaonyesha pia kuwa, watu wenye uzito mkubwa kupita kiasi ( obeziti), asilimia 50 ya dawa huwa inaisha kabla ya kufanya kazi hivyo inashauriwa kutumia dozi mara mbili ya mtu mwenye BMI ya kawaida kwa ufanisi

Dawa ambazo zinazopunguza ufanisi wa Levonorgestrel

Dawa zifuatazo hazipaswi kutumika pamoja na levonorgestrel kwani hupunguza ufanisi wake na kuongeza hatari ya kupata mimba.

• Carbamazepine

• Felbamate

  
  

• Griseofulvin

  
  

• Mizizi ya St. John's

  
  

• Modafinil

• Nelfinavir

• Nevirapine

• Phenytoin

• Primidone

• Rifabutin

• Rifampin

  
  

• Topiramate

Dawa ambazo hazipaswi kutumika pamoja na Levonorgetrel

• Abametapir

• Antithrombin alfa

• Antithrombin iii

• Apalutamide

• Argatroban

• Bemiparin

• Bivalirudin

• Brigatinib

• Calaspargase pegol

• Dalteparin

• Darunavir

• Elagolix

• Enoxaparin

• Eslicarbazepine acetate

• Fondaparinux

• Heparin

• Idelalisib

• Lesinurad

• Lopinavir

• Lorlatinib

• Mifepristone

• Nefazodone

• Nelfinavir

• Perampanel

• Pexidartinib

• Phenindione

• Pretomanid

• Protamine

• Ritonavir

• Sugammadex sodium

• Tucatinib

• Voxelotor

• • Warfarin

Matumizi ya Levonorgestrel na pombe na chakula

Pombe inafanya uwe na kizunguzungu, matumizi ya Levonorgestrel na pombe husababisha kizunguzungu kiwe kikubwa zaidi. Hata hivyo pombe haipunguzi ufanisi wa wa Levonorgestrel.

Unaweza kunywa dawa hii pamoja au bila chakula

Maudhi ya Levonorgestrel

• Kichefuchefu na kutapika

• Maumivu ya tumbo

• Uchovu

• Kizunguzungu

• Kutokwa na damu ukeni

• Maumivu ya titi

• Maumivu ya kichwa

Matumizi ya Levonorgestrel kabla na wakati wa ujauzito

Levonorgestrel haipaswi kutumika wakati wa ujauzito au endapo unafikiria kuwa mjamzito. Soma maelezo zaidi kuhusu Levonorgestrel kwenye mada za‘ushauri wa dawa wakati wa ujauzito na kunyonyesha’ ndani ya tovuti hii.

Matumizi ya Levonorgestrel wakati wa kunyoyesha

Dawa hii huwa inaingia kwenye maziwa ya mama lakini haina madhara kwa mtoto. Soma maelezo zaidi kuhusu Levonorgestrel kwenye mada za‘ushauri wa dawa wakati wa ujauzito na kunyonyesha’ ndani ya tovuti hii.

Endapo umesahau kunywa dozi ufanyaje?

Endapo umesahau kunywa dozi moja, kunywa pale utakapokumbuka, lakini endapo zimeshapita siku tatu. Tumia njia zingine za uzazi wa mpango.