Lopinavir(LPV)/Ritonavir

Lopinavir(LPV)/ritonavir ni dawa mojawapo ya kudhoofisha makali ya Virusi vya UKIMWI(ART) na Hepataitizi C, dawa hii ipo kwenye kundi la dawa zinazoitwa Proteaazi inhibita.

Dawa hizi hazitumiki zenyewe bali huunganishwa pamoja na dawa zingine za kuthibiti makali ya kirusi cha UKIMWI-ART ili kufanya kazi kwa ufanisi kuzuia kuzaliana kwa virusi na kuongeza kwa kinga za mwili.

Dawa inapoingia mwilini, huenda kuzuia kimeng’enya muhimu cha kirusi kinachoitwa proteazi ili kisifanye kazi yake. Kimeng’enya hiki hufanya kazi muhimu ya kukomaza kirusi, dawa inapozuia utendai kazi wa kirusi, virusi huwa huacha kukomaa na kukosa uwezo wa kuambukiza seli zingine za ulizinzi wa mwili (CD4).

Huweza kutumika pamoja au bila chakula

Dawa zilizo kundi moja na Lopinavir(LPV)/Ritonavir

Dawa zingine ambazo zipo kwenye kundi moja na Lopinavir/Ritonavir ni:

• Amprenavir

• Atazanavir

• Darunavir

• Fosamprenavir

• Indinavir

• Lopinavir

• Nelfinavir

• Ritonavir

• Saquinavir

• Tipranavir

Baadhi ya dozi zilizotengenezwa na Lopinavir/Ritonavir

Lamivudine (3TC)+Lopinavir/Ritonavir(LPV/r)

Mgonjwa anapaswa kutumia dawa hii kama ambavyo atakavyoelekezwa na Daktari

Dawa usizopaswa kutumia pamoja na Lopinavir/Ritonavir

Lopinavir/Ritonavir haipaswi kutumika pamoja na dawa zifuatazo:

• Alfozosin

• Cabergoline

• Amiodarone

• Cobimetinib

• Ergotamine

• Erythromycin

• Rifampin

• Pimozide

• Quinidine

• Midozalam

• Nolaxegol

• Conivaptan

• Elagolix

• Eliglustat

• Irinotecan

• Ivabradine

• Midazolam

Tahadhari ya Lopinavir/Ritonavir

• Inapaswa kukatishwa endapo utapata mzio au vipele

• Mgonjwa anayetumia dawa hii huweza kuvimba kongosho

• Mgonjwa anapaswa kupimwa ini kabla na baada ya kutumia dawa maana hupelekea sumu kwenye ini

• Huongeza kolestrol mwilini

• Huongeza kiwango cha glukozi kwenye damu

Dawa ya Lopinavir/Ritonavir haipaswi kutumika kwa wagonjwa wafuatao:

• Mgonjwa mwenye mzio na dawa

Matumizi ya Lopinavir/Ritonavir Kwa mama mjamzito na anayenyonyesha

Tafiti zinaonyesha kuwa dawa hii haina madhara kwa mama mjamzito na mtoto lakini huwa na maudhi madogo madogo

Mama mwenye Maambukizi ya HIV hapaswi kunyonyesha wakati wa miezi 6 yote japo dawa hii haina madhara kwake mtoto licha ya kuwa huwa inapita kwenye maziwa.

Maudhi ya Lopinavir/Ritonavir

Baadhi ya maudhi madogo ya dawa hi ni pamoja na:

• Kuharisha

• Kichwa kuuma

• Vipele

• Kichefuchefu

• Kutapika

• Kuharisha

• Tumbo kuuma

• Likamu mwilini kuongezeka

• Kuwa mdhaifu

• Kuwa na seli nyeupe chache

Je endapo umesahau dozi ya Lopinavir/Ritonavir ufanyeje?

Endapo utasahau kunywa dozi yako, unapaswa kunywa mara moja na Kuendelea muda huo siku inayofuata.