Meclofenamate

Ni dawa jamii ya NSAIDs inayozuia inflamesheni kwenye seli hivyo kuleta madhara chanya ya kuzuia uvimbe, kutuliza maumivu na homa.

Dawa hii hufanya kazi kwa kuzuia uzalishwaji wa prostaglandini kwenye tishu mwilini, prostanglandini ni kemikali inayozalishwa na mwili kuitikia uharibifu uliotokea kwenye seli. Kemikali hii inapotolewa huambatana na homa Pamoja na uvimbe sehemu yenye shida.

Fomu na Rangi ya Meclofenamate

Dawa hii hupatikana katika mfumo wa tembe yenye uzito wa 50mg na 100mg

Haina madhara ikitumika Pamoja na chakula

Dawa zilizo kundi moja na Meclofenamate

Dawa hii ipo katika kundi moja na dawa zifuatazo;

• Aspirin

• Celecoxib (celebrex)

• Diclofenac

• Diflunisal

• Etodolac

• Ibuprofen

• Indomethacin (indocin)

• Ketoprofen

• Ketorolac

• Nabumetone

• Naproxen

• Oxaprozin

• Piroxicam

• Salsalate

• Sulindac

• Tolmetin

Jinsi Meclofenamate inavyofanya kazi

Dawa hii hufanya kazi kwa kuzuia homoni ya prostaglandin ambayo husababisha uvimbe na maumivu

Kazi za meclofenamate;

• Hutumika kutibu maumivu ya ugonjwa reumatoid arthraitizi

• Hutumika kutibu maumivu ya ugonjwa osteoartharitizi

• Hutumika kutibu maumivu ya ugonjwa wa ankalozing spondilaitizi

• Hutumika kutibu maumivu ya bazaitizi

• Hutumika kwa mgonjwa mwenye athraitizi ya gauti

• Hutumika kutibu maumivu ya hedhi(dismenolea)

• Hutumika katika maumivu ya kiasi na wastani

• Hutumika kutibu homa

Dawa usizopaswa kutumia pamoja na meclofenamate

Dawa hii haipaswi kutumika pamoja na dawa zifuatazo;

• Aminolevulinic acid oral

• Aminolevulinic acid topical

• Apixaban

• Baricitinib

• Benazepril

• Captopril

• Enalapril

• Fosinopril

• Ibuprofen IV

• Ketorolac

• Ketorolac intranasal

• Llisinopril

• Methotrexate

• Methyl aminolevulinate

• Moexipril

• Pemetrexed

• Perindopril

• Quinapril

• Ramipril

• Tacrolimus

• Trandolapril

Tahadhari ya meclofenamate kwa wagonjwa wafuatao;

• Huweza kupelekea hatari ya kupata magonjwa ya kiharusi na magonjwa ya moyo na kutokwa na damu

• Hatari yake huongezeka kadri inavyotumika kwa muda mrefu

• Huongeza maudhi kwenye mfumo wa umeng’enyaji wa chakula kama kutokwa damu na vidonda vya tumbo

• Huweza Kupelekea kuanza kwa shinikizo la juu la damu

• Huweza kupelekea maudhi makali kwenye Ngozi

• Haipaswi kutumika kwa mgonjwa mwenye mzio na dawa hii

Matumizi ya meclofenamate Kwa mama mjamzito na anayenyonyesha

Inapaswa kutumika kwa tahadhari au pale inapohitajika kwa ulazima kwa mama mjamzito .

Hivyo hivyo kwa mama anayenyonyesha huweza kutumika kwa tahadhari

Maudhi ya meclofenamate

Baadhi ya maudhi madogo ya dawa hi ni pamoja na :

• Kuhara

• Kichefuchefu

• Kutapika

• Tumbo kujaa gesi

• Vipele

• Kichwa kuuma

• Kizunguzungu

• Kukosa hamu ya kula

• Kutokuona choo

• Mdomo kuvimba

• Vidonda vya tumbo

• Kusikia mlio kwenye sikio

Je endapo umesahau dozi ya meclofenamate ufanyeje?

Endapo utasahau kutumia hii dozi. kunywa mara utakapokumbuka, kisha endelea na masaa yale yale uliyopangiwa na daktari wako.