Misoprostol

Misoprostol dawa aina ya prostaglandin, dawa hii huwekwa kwenye makundi mbalimbali ya dawa kutokana na uwezo wake wa kutibu hali na magonjwa mbalimbali. Misoprostol hutumika kupunguza hatari ya kupata vidonda vya tumbo kutokana na matumizi ya dawa jamii ya NSAID, huzuia kutokwa na damu nyingi baada ya kujifungua. Kazi nyingine muhimu ya misoprostol ni kutoa mimba katika kipindi cha kwanza cha ujauzito.

Majina mengine ya misoprostol

Dawa Misoprostol hufahamika kwa majina mengine kama

• Miso

• Cytotec

• Cytotec 200 Mcg

Dozi fomu na rangi ya misoprostol

Dawa hii hupatikana katika fomu ya kidonge cheupe chenye uzito wa maikogramu 100 na 200 kinachoweza kutumia kwa kuweka ukeni, chini ya ulimi, kumeza au kuweka njia ya haja kubwa.

Ikumbukwe pia, licha ya kuwa na rangi nyeupe, rangi pia hutegemea rangi pendekezwa na kiwanda kinachzalisha dawa.

Dawa zinazofanya kazi kama misoprostol

Dawa zingine zilizo kundi la dawa za kuongeza mijongeo ya misuli ya kizazi na kufungua njia shingo ya kizazi kama misoprostol ni;

• Oxytocin

• Ergometrine

• Syntometrine

• Prostaglandins

• Carbetocin

Namna misoprostal inavyofanya kazi yake

Misoprostol husisimua milango ya prostaglandin kwenye tumbo, kusisimuliwa kwa milango hii husababisha kupungua kwa uzalishaji wa tindikali tumboni na kusisimua milango ya misuli ya kizazi na shingo ya kizazi ambayo huongeza kishindo cha mjongeo wa kuta ya uzazi na kufunguka kwa mlango wa kizazi.

Kazi za awali za misoprostol

Misoprostol hutumika katika matibabu ya;

• Kupunguza hatari ya kupata vidonda vya tumbo kwa wanaotumia dawa jamii ya NSAID kama aspirin, diclofenac n.k

• Hutumika kwenye matibabu ya osteoathraitiz ikiwa imeunganika pamoja na dawa jamii ya NSAID kwa wagonjwa wenye hatari kubwa ya kupata vidonda vya tumbo

Kazi zisizo za awali za misoprostol

Kazi zisizo za awali za misiprostol ni;

• Kuanzisha uchungu kwa mimba iliyofia ndani ya kizazi

• Kufungua shingo ya kizazi kuanzisha uchungu

• Kutoa mabaki ya uchafu yaiyobaki kwenye kizazi baada ya mimba kutoka

• Kuzuia kutokwa na damu nyingi baada ya kujifungua

• Kutoa mimba katika kipindi cha kwanza cha ujauzito au ikiwa pamoja na dawa ya mifepristone

Dawa ambazo hazipaswi kutumika na misoprostol

Misoprostol haipaswi kutumika pamoja na dawa zifuatazo;

• Aluminum hydroxide/magnesium carbonate

• Aluminum hydroxide/magnesium trisilicate

• Citric acid/glucono-delta-lactone/magnesium carbonate

• Magnesium gluconate

• Oxytocin

Wagonjwa wasiopaswa kutumia misoprostol

Misoprostol haipaswi kutumika kwa wagonjwa wafuatao:

• Wagonjwa wenye mzio na dawa hii

• Wagonjwa wenye hatari ya kupata vidonda vya tumbo lakini wana ujauzito

Tahadhali ya matumizi ya misoprostol

• Isitumike kwa wagonjwa wenye ujauzito ambao wanapenda uendelee

• Isitumike kwa wanawake walio kwenye umri wa kubeba mimba isipokuwa hawana mimba

• Ina hatari ya kuchana kizazi endapo itatumika kwa mjamzito

Matumizi ya misoprostol na chakula

Dawa hii inaweza kutumika pamoja na chakula, na endapo itatumika pamoja na chakula hupunguza kupata hali ya kuharisha.

Matumizi ya misoprostol wakati wa ujauzito

Haipaswi kutumika wakati wa ujauzito, inaongeza hatari ya mimba kutoka na madhaifu ya kuzaliwa kwa mtoto.

Matumizi ya misoprostol wakati wa kunyonyesha

Soma zaidi kuhusu matumizi wakati wa kunyonyesha kwenye Makala ya ‘dawa salama kipindi cha ujauzito na kunyonyesha’

Maudhi ya misoprostol

Maudhi yanayotokesa sana

• Kuharisha

• Maumivu ya tumbo

• Maumivu ya kichwa

Maudhi yanayotokea kwa kiasi

• Anafailaksia

• Upunfugu wa damu

• Disrithimia ya moyo

• Maumivu ya kifua

• Kujamba

• Kuvia kwa damu tumboni

• Kupoteza usikifu

• Kuchanika kwa kizazi

• Kichefuchefu

• Madhaifu ya damu kuganda

Endapo umeshau dozi ya misoprostol ufanyaje?

Endapo umesahau kutumia dozi yako ya misoprostol, kunywa mara utakapokumbuka, na endapo muda wa dozi nyingineumekaribia sana, acha dozi uliyosahau kisha endelea na dozi inayofuata kama ulivyopangiwa na daktari wako.