Penicillin G

Ni antibayotiki jamii ya Penicillin iliyotengenezwa kutoka kwa fangasi wanaofahamika kama Penisillium.

Majina ya kibiashara

Penicillin G kwa jina jingine hufahamika kam Benzylpenicillin

Uwezo wa Penicillin G

Penicillin G huwa na uwanja mdogo wa kutibu magonjwa yanayosababishwa na bakiteria wanaodhuriwa na dawa.

Bakteria wanaodhurika sana na Penicillin G

Dawa ya Penicillin G ni nzuri kwa bakteria wafuatao;

• Streptococcus pneumoniae

• Streptococci kundi A, B, C na G

• Bakiteria wasio jamii ya enterococcal

• Streptococci kundi D

• Kundi la streptococci viridans

• Bakiteria staphylococcus wasiozalisha penicillinase Aminoglycosides

• Bacillus anthracis

• Corynebacterium diphtheria

• Erysipelothrix rhusiopathiae

Bakteria wengine wanaodhuriwa na Penicillin G

Bakteria wanaodhuriwa na Penicillin G ni;

• Treponema Pallidum

• Group A-hemolitiki streptococci

• Pasteurella multocida

Fomu ya Penicillin G

Penicillin G hupatikana katika fomu ya unga na huingia mwilini kwa kuchoma sindano.

Penicillin G na chakula

Penicillin G inapaswa kutumika lisaa 1 au 2 baada ya kula au kabla ya kula

Dawa zingine ambazo zipo kwenye kundi moja na penicillin V ni zifuatazo;

• Penicillin V

• Procaine penicillin

• Benzathine

Penicillin G hutibu nini?

Baadhi ya magonjwa ambayo hutibiwa na hii antibayotiki ni :

• Group A Streptococci Infection: Maambukizi yote ambayo husababishwa na huyu bakteria hutibiwa na hii dawa

• Kaswende : Ni ugonjwa wa zinaa ambayo huenezwa kwa ngono zembe

• Kaswende kwa watoto chini ya siku 28

• Maambukizi kwenye misuli ya ndani ya moyo (Infective endocarditis)

• Pharyngitis : Maambukizi chini ya koo ambayo hupelekea kuwasha

• Homa ya Rheumatic :Ni Maambukizi ambayo hushambulia kwa wingi jointi za mwili

• Baadhi ya shida ya figo (Renal Impairment) Katika dosi ndogo hutibiwa na hii dawa

Angalizo kuhusu Penicillin G

Haipaswi kuchanganywa na dawa zingine na kutolewa pamoja;

• Haipaswi kutolewa kwa mtu mwenye aleji (Hypersensitivity)

• Haipaswi kuchomwa karibu na nevu au ateri

Penicillin G na ujauzito

Penicillin G haina shida endapo itatumika kwa mama mjamzito maana haina hatari yeyote kwa mtoto.

Penicillin G wakati wa kunyonyesha

Tafiti zinaonekana kuwa kuna kiwango cha penicillin G hupita na kuingia kwenye maziwa ya mama, lakini hakuna tafiti zinazoonyesha madhara kwa mtoto kutokana na kunyonya maziwa ya mama au madhara dhidi ya uzalishaji wa maziwa.

Maudhi ya Penicillin G

Baadhi ya maudhi madogo ya dawa ya Penicillin G ni pamoja;

• Kuharisha

• Kizunguzungu

• Kiungulia

• Kukosa usingizi

• Kichefuchefu

• Kuwashwa mwili

• Kutapika

• Maumivu ya tumbo

• Mzio

Je, kama dozi yako ya Penicillin G itasahaulika utafanyaje ?

Kama umesahau dozi yako ya Penicillin G, tumia mara pale utakapokumbuka. Kama muda wa dozi inayofuata umekaribia sana, subiria muda wa dozi hiyo kisha kunywa dozi moja tu na kuendelea kama ulivyoshauriwa na daktari wako.