Prednisolone

Prednisolone ni dawa aina ya glucorticoid inayofanana na cortisol na wakati mwingine huitwa dawa jamii ya steroid. Hutumika kuzuia uvimbe unaotokana na mwitikio wa kinga ya mwili, kudhorofisha kinga ya mwili, kuzuia saratani na kupunguza kipenyo cha mishipa ya damu.

Fomu na uzito wa dawa

Dawa hii hutolewa katika mfumo wa kidonge chenye uzito wa milligramu 5 Hadi milligramu 60.

Vidonge hupatikana vyenye uzito wa miligramu 10, 15 na 30.

Dawa ya Prednisolone hutibu nini

Prednisolone hutibu:

• Aina zote za uvimbe

• Aleji balimbali za kwenye ngozi macho, damu, mfumo wa chakula, mfumo wa fahamu, upumuaji, figo na magonjwa halisi ya aleji

• Kudhibiti shambulio la kiungo dhidi ya kinga za mwili kwa mgonjwa aliyepandikiziwa kiungo kutoka kwa mtu mwingine

• Magonjwa ya udhaifu wa vichochezi (homoni)

• Kutumika kama dawa ya paliesheni kwa wagonjwa wenye maumivu kutokana na saratani

• Dalili za Pumu (asthma)

• Maumivu ya viungo ( baridi yabisi)

• Magonjwa aina fulani ya ngozi

Maelezo ya ziada kuhusu magonjwa yanayotibiwa na prednisolone

Hutibu magonjwa ya mzio/aleji

• Pumu ya ngozi (atopiki demataitizi)

• Mzio wa dawa

• Aleji ya msimu

• Homa ya seramu

Kutibu magonjwa ya ngozi

Mfano wake ni;

• Bullous demataitiz hepatiformizi

• Demataitizi ya mguso

• Exfolietivu erithrodima

• Maikosisi fungoidezi

• Pemfigazi

• Mzio mkali wa sindromu ya stevens Johnson

Magonjwa ya vichocheo vya mwili

mfano;

• Haipakalsemia inayosababishwa na saratani

• Thairoidaitizi isiyo na usaha

• Ugonjwa wa kuzaliwa wa adreno haipaplesia

• Kutojitosheleza kwa homoni za adrenokotiko

Kupunguza dalili za saratani

Mfano;

• Kuwa na kiwango kikubwa cha madini potasiamu (Haipakalsemia) inayosababishwa na saratani

Magonjwa ya mfumo wa mmeng'enyo wa chakula

• Ugonjwa wa crohn’s

• Ugonjwa wa asaletivu kolaitizi

Magonjwa ya damu

• Upungufu wa damu wa kihemolitiki wa kuzaliwa nayo

• Upungufu wa dawa wa kidayamond blakfani

• Upungufu wa chembe sahani za damu bila sababu kwa watu wazima

• Aplasia ya chembe nyekundu za damu

• Thrombosaitopenia ya upili kwa watu wazima

Saratani

• Leukemia ya muda mfupi

• Limfoma kali

Na magonjwa mengine....

Namna Prednisolone inavyofanya kazi

Dawa hii huwa na madhara tiba ya muda mfupi ya kupunguza kipenyo cha mishipa ya damu na kuzuia chembe za ulizi(leukosaiti) kuitikia uvamizi mwilini(unaotokana na maamukizi)

Dozi ndogo ya dawa hii huweza kuleta madhara tiba ya kuzuia inflamesheni, dozi kubwa husababishwa kuzoroteka kwa mfumo wa kinga mwilini.

Dozi kubwa huambatana na kuzidi kwa kiwango cha sodiamu na kupungua kwa kiwango cha potasimau kwenye damu.

Maudhi madogo Prednisolone

• Kichefuchefu na kutapika

• Kiungulia

• Maumivu ya kichwa

• Kukosa usingizi

• Kutokwa jasho jingi

• Maumivu ya mgongo

• Kuvimba Uso

• Mabadiliko ya kihisia

• Wasiwasi na Kukosa utulivu

• Masikio kupiga kelele

• Kuongezeka uzito wa mwili

• Kizunguzungu

Madhara ya kuacha Prednisolone ghafla

• Uchovu ama kukosa nguvu

• Kichefuchefu

• Uzito kupungua

• Maumivu ya misuli

• Kizunguzungu

• Maumivu ya kichwa

Angalizo la Prednisolone

Tumia dawa hii kwa umakini kwa wafuatao

• Wenye mzio na dawa hii

• Wenye magonjwa ya moyo

• Wenye matatizo ya Figo

• Wenye kisukari

• Wenye shida ya Ini

• Udhaifu wa mfumo wa kinga ya mwili

Mwingiliano wa Prednisolone na dawa zingine

Usitumie Prednisolone pamoja na dawa zifuatazo kwa kuwa huwa na mwingilino mkali;

• Usitumie dawa hii pamoja na dawa za fangasi mfano itraconazole

• Usitumie dawa hii pamoja na dawa baadhi ya antibiotiki mfano rifampicin, refabuton

• Usitumie dawa hii pamoja na dawa za kutibu kifafa mfano phenytoin

• Usitumie pamoja na dawa za homoni mfano estrogens

Prednisolone na ujauzito

Tahadhari wakati wa ujauzito, isitumike kwa mama mjamzito haswa katika wiki za mwanzoni mwa ujauzito. Huleta madhara katika ukuaji wa kiumbe tumboni.

Prednisolone kwa mama anayenyonyesha

Dawa hii isitumike kwa mama anaenyonyesha. Sababu dawa hii hupita katika maziwa ya mama na hivyo kuleta athari kwa mtoto anaenyonyesha.

Je, kama umesahau dozi ya Prednisolone ufanyaje?

Kama umesahau kutumia dozi yako ya Prednisolone, tumia mara tu utapokumbuka isipokua endapo muda wa dozi nyingine umefika Unatakiwa kuruka hiyo dozi uliyosahau na kuendelea na dozi yako kwa muda uliopangiwa. Usitumie dozi mbili kwa wakati mmoja.