top of page

Mwandishi:

Dkt. Sospeter M, MD

Mhariri:

Dkt. Lugonda B, MD

15 Aprili 2020 07:30:35

Sodium

Sodium

Sodium ni moja madini muhimu sana mwilini. Upungufu wa sodium huweza kusimamisha shughuli nyingi ndani ya mwili, mfano shughuli za usafirishaji wa taarifa kati ya mishipa ya fahamu, ubongo na moyo.


Madini haya huweza kuthibiti kiasi cha maji kwenye mwili na kusafirisha taarifa za mfumo wa neva, kazi hizo hufanya madini haya kuwa moja ya elementi muhimu sana kuyapata kwenye mlo wako.


Sodium hupatikana wapi?


Chumvi ya mezani ni chanzo kizuri cha madini ya sodia, chumvi ina asilimia 40 tu ya madini haya.


Kijiko kimoja cha chumvi ya chai huwa na uzito wa Mg 2300 za madini ya sodiamu ambacho ni kiasi kinachotosha kwa matumizi ya mwili kwa siku.


Kwa watu wenye shinikizo la juu la damu wanapaswa kuthibiti matumizi yao ya chumvi kwa kutumia Milligram 1500 kwa siku na kwa watoto wadogo wanapaswa kutumia kuanzia mg 1000 hadi 1500 kwa siku.


Vyanzo vingine vyenye madini ya sodium


  • Supu

  • Mboga za majani

  • Nyama za kusindikwa

  • Nyama ya kuku, ng’ombe, samaki n.k zilizochomwa kwa moshi na kuhifadhiwa kwa chumvi

  • Vitunguu maji

  • Soseji

  • Karanga zenye chumvi

  • Na vitu vingine ambavyo vimewekewa chumvu


Unaponunua bidhaa yoyote ile dukani angalia kiwango cha madini ya sodiamu kwenye sehemu iliyoandikwa ingredients. Ni vema kufanya hivi ili kudhibiti kiwango cha madini hayo unayokula kwa siku


Zipo aina zingine za madini ya sodium ambayo ni;


  • Monosodium glutamate

  • Sodium nitrate

  • Sodium saccharin

  • Sodium benzoate

  • Sodium bicarbonate.


Kazi za Sodium mwilini


  • Hutumika kudhibitiki kiasi cha maji kwenye seli za mwili

  • Hutumika kuweka muwiano sawa wa ions kwenye mwili kati ya ions hasi na chanya

  • Huzuia mwili kupoteza maji pale unapokaa kwenye jua kwa muda mrefu

  • Huzuia misuli kukbana- wa kutumia vyakula vyenye chumvi na juisi zenye sodiamu husaidia kurudisha elekrolaiti za sodiamu zilizopotea na kufanya misuli ifanye kazi vema.

  • Huondoa hewa chafu ya karbon diyoksaidi mwilini- huondoa karbon diyoksaidi inayozidi mwilini kwa njia ya uchujwaji kwenye mfumo wa mkojo

  • Husaidia kufanya kazi kwa ubongo- Kiasi kidogo cha sodiam hupelekea kizunguzungu,na kuchoka

  • Husaidia afya nzuri ya moyo kusafirisha taarifa za mfumo wa fahamu.

  • Huimarisha meno

  • Huimarisha ngozi

  • Kupoza kiungulia kinachotokana na asidi kutoka katika tumbo


Majina ya kitiba ya udhaifu wa sodium


Upungufu wa madini ya sodiamu kwenye damu huitwa haiponatremia na kiwango cha madini kikizidi kwenye damu huitwa haipanatremia


Maudhi ya sodiamu


Maudhi ya madini ya sodiamu yanaweza kutokana na upungufu au wingi wa madini hayo kwenye damu


Dalili za upunfugu wa Sodium kwenye damu


  • Kichefuchefu na kutapika

  • Maumivu ya kichwa

  • Kupoteza kumbukumbu za muda mfupi

  • Kuchanganyikiwa

  • Kupoteza hamu ya kula

  • Kutotulia au kuw amsumbufu

  • Kulegea kwa misuli

  • Kukaza kwa misuri

  • Degedege

  • Kupoteza fahamu


Dalili za kuzidi kwa Sodium kwenye damu


  • Kiu kupita kiasi

  • Kubadilika kwa uzito wa mkojo na rangi

  • Kuferi kwa moyo kutokana na kujawa na maji (konjestive), Ugonjwa wa figo na sirosisi ya Ini

  • Kuchanganyikiwa

  • Uchovu mkali wa mwili

  • Huweza kupelekea shinikizo la juu la damu endapo itatumika kwa wingi

  • Maumivu ya kichwa

  • Kichefuchefu na kutapika

  • Degedege

  • Kupoteza fahamu

ONYO: Usitumie dawa yoyote bila ushauri wa daktari. Dawa zinaweza kuleta madhara mwilini na pia matumizi ya baadhi ya dawa pasipo ushauri na vipimo husababisha  vimelea kuwa sugu dhidi ya dawa hiyo.
ULY clinic inakushauri kuwasiliana na daktari wako unapotaka kuchukua maamuzi yoyote yanayohusu afya yako.
Wasiliana na daktari/Mfamasia wa ULY clinic kwa ushauri na Tiba au kuandikiwa dawa kwa kupiga simu au Kubonyeza Pata tiba chini ya tovuti hii.

Imeboreshwa,

3 Novemba 2021 11:24:17

Rejea za mada hii:-

1.Harvard.SaltAndSodium.https://www.hsph.harvard.edu/nutritionsource/salt-and-sodium/. Imechukuliwa 14/4/2020

2.HealthLine.Salt.https://www.healthline.com/nutrition/salt-good-or-bad. Imechukuliwa 14/4/2020


3.MedlinePlus.Salt.https://medlineplus.gov/definitions/mineralsdefinitions.html. Imechukuliwa 14/4/2020

4.Lybrate.Salt.https://www.lybrate.com/amp/topic/sodium-benefits-sources-and-side-effects. Imechukuliwa 14/4/2020

5.Healthline. Everything You Should Know About Hypernatremia.https://www.healthline.com/health/hypernatremia. Imechukuliwa 14/4/2020
bottom of page