top of page

Mwandishi:

Dkt. Sospeter M, MD

Mhariri:

Dkt. Lugonda B, MD

3 Mei 2020 13:38:55

Trandolapril

Trandolapril

Trandolapril ni dawa mojawapo ya kushusha shinikizo la juu la damuiliyo kundi la angiotensini conventing enzyme inhibitor (ACEIs).


Majina ya kibiashara


Trandolapril ni maarufu kwa jina la kibiashara la Mavik


Matumizi na chakula


Trandolapril inaweza kutumika pamoja na au bila chakula kama utakavyoelekezwa na kushauriwa na daktari wako.


Hakikisha unakunywa dawa hii kama ulivyoshauriwa na daktari wako kila siku na kwa kiwango cha dozi uliyopewa. Kupunguza madhara ya maudhi ya dawa daktari atakuanzishiwa dozi ndogo na kuiongeza kadri ambavyo mwili wako utakavyoitikia. Baada ya wiki mbili au zaidi tangu ulipoanza kutumia dawa hii shinikizo la damu litashuka na kuwa kawaida.


Trandolapril hupatikana katika fomu ya kidonge chenye uzito wa;


  • 1mg

  • 2mg

  • 4mg


Ufanyaji kazi wa Trandolapril


Dawa jamii ya ACEIs ikiwa pamoja na Trandolapril hufanya kazi zifuatazo ilikupunguza shinikizo la damu;


Huongeza kipenyo cha mishipa ya damu ya vena na ateri kwa kupinga utengenezaji wa homoni ya angiotensini II na uvunjwaji wa Bradykinin.


Kuogezeka kwa kipenyo cha mishipa husababisha kushuka kwa shinikizo ndani ya mishipa na hivyo kupunguza mzigo wa damu unaoingia na kutoka kwenye moyo na kupunguza moyo kufanya kazi kupita kiasi


Hupinga kazi za homoni ya angiotensini II kwenye mishipa ya fahamu ya simpathetiki


Huongeza uwezo wa figo kupoteza madini ya sodiamu na maji kwa njia ya mkojo kwa kuzuia uzalishwaji wa homoni ya aldosterone inayochochewa kuzalishwa zaidi na homoni ya angiotensin II. Homoni ya aldosterone kazi yake ni kutunza maji na madini hayo mwilini


Huzuia kuharibika kwa kuta za moyo na mishipa ya damu kutokana na shinikizo la damu ,kuferi kwa moyo na infaksheni ya mayokadia


Dawa kundi moja na Trandolapril


Dawa zingine zilizo kwenye kundi moja na dawa hii ni;


  • Benazepril

  • Enalapril

  • Fosinopril

  • Lisinopril

  • Lisinopril

  • Captopril

  • Moexipril

  • Perindopril

  • Quinapril

  • Ramipril


Trandolapril hutibu nini?


  • Hutumika kwenye matibabu ya wagonjwa wenye shinikizo la damu la juu

  • Hutumika kwenye matibabu ya moyo ulioferi


Upekee wa Trandolapril na dawa kundi hili la ACEIs


Huweza kupinga kazi ya homoni ya angiotensin II Hata baada ya masaa 72 baada ya dozi kuisha

Hupunguza hatari ya shida kwenye figo kwa wagonjwa wenye shiniko la juu la damu


Muingiliano wa Trandolapril na dawa zingine


Trandolapril haipaswi kutumika pamoja na dawa zifuatazo;


  • Aspirin

  • Azilsartan

  • Candesartan

  • Celecoxib

  • Choline magnesium trisalicylate

  • Dalteparin

  • Diclofenac

  • Diflunisal

  • Eprosartan

  • Etodolac

  • Fenoprofen

  • Flurbiprofen

  • Ibuprofen

  • Idomethacin

  • Irbesartan

  • Ketorolac

  • Lofexidine

  • Losartan

  • Meclofenamate

  • Mefenamic acid

  • Meloxicam

  • Nabumetone

  • Naproxen

  • Olmesartan

  • Oxaprozin

  • Piroxicam


Wagonjwa wasiopasw akutumia Trandolapril


Dawa hii haipaswi kutumika kwa wagonjwa wafuatao;


  • Wagonjwa wenye aleji na dawa hii au dawa jamii ya ACEIs

  • Wagonjwa wenye historia yakupata angioedema


Angalizo kwa watumiaji wa Trandolapril


Tahadhari ya Trandolapril inaaswa kuchukuliwa kwa kuwa;


  • Huweza kupelekea Haipotension endapo itachanganywa na Diuretic

  • Ikitolewa pamoja na temsirolimus huweza kupelekea angioedema

  • Ipo na hatari ya kupelekea haipakalemia kwa wagonjwa wenye shida ya figo

  • Dalili ya kikohozi huweza kutokea kwa miezi ya mwanzo ya matumizi ya dawa hii

  • Haipaswi kutolewa pamoja na Aliskiren kwa wagonjwa wa kisukari au kwa wagonjwa wenye Shida ya figo ambaye uwezo wa figo kuchuja mkojo ni GFR <60 mL/min/1.73 m²


Matumizi ya Trandolapril kwa anayenyonyesha


Inapaswa kutumika kwa tahadhari kwa mama anayenyonyesha kwa sababu huingia kwenye maziwa ya mama.


Maudhi madogo


Baadhi ya maudhi madogo ya Trandolapril ni;


  • Kukohoa

  • Kiasi cha uric asidi kupanda

  • Haipotension

  • Haipakalemia

  • Haipocalcaemia

  • Kiharusi

  • Mapigo ya moyo kushuka


Je kama umesahau dozi yako ufanyaje?


Kama umesahau kutumia dozi yako ya Trandolapril tumia mara pale utakapokumbuka, na endapo muda wa dozi nyingine umekaribia acha dozi uliyoisahau kasha endelea na dozi inayofuata kama ulivyopangiwa na daktari wako.

ONYO: Usitumie dawa yoyote bila ushauri wa daktari. Dawa zinaweza kuleta madhara mwilini na pia matumizi ya baadhi ya dawa pasipo ushauri na vipimo husababisha  vimelea kuwa sugu dhidi ya dawa hiyo.
ULY clinic inakushauri kuwasiliana na daktari wako unapotaka kuchukua maamuzi yoyote yanayohusu afya yako.
Wasiliana na daktari/Mfamasia wa ULY clinic kwa ushauri na Tiba au kuandikiwa dawa kwa kupiga simu au Kubonyeza Pata tiba chini ya tovuti hii.

Imeboreshwa,

3 Novemba 2021 11:22:29

Rejea za mada hii:-

1.British National Formula Written by British Medical Association and pharmaceutical Society ISBN: 978 0 85711 340 5 ukurasawa 173

2.DrugBank.Trandolapril.https://www.drugbank.ca/drugs/DB00519. Imechukuliwa23/4/2020

3.WebMd.Trandolapril.https://www.webmd.com/drugs/2/drug-12430/trandolapril-oral/details. Imechukuliwa 23/4/2020

4.MedlinePlus.Trandolapril.https://medlineplus.gov/druginfo/meds/a697010.html. Imechukuliwa
bottom of page