Kinyesi chenye kamasi: Je ni kawaida au kinaashiria tatizo?

Kamasi kwenye kinyesi si jambo la kutisha kila wakati. Lakini ikiwa ni nyingi au inaambatana na damu, maumivu ya tumbo, au kuharisha kwa muda mrefu, basi inaweza kuwa dalili ya ugonjwa wa ndani ya utumbo unaohitaji uchunguzi wa daktari.

Kamasi kwenye kinyesi ni nini?

Kamasi ni ute mweupe au wa rangi hafifu unaotengenezwa na mwili kusaidia kinyesi kuteleza kwa urahisi kwenye utumbo mpana. Kiasi kidogo cha kamasi kwenye kinyesi ni kawaida kabisa.

Wakati gani kinyesi chenye kamasi kinapaswa kukupa wasiwasi?

Unapaswa kufikiria kumuona daktari ikiwa kinyesi chenye kamasi kinaambatana na:

• Kamasi nyingi kuliko kawaida

• Kamasi yenye matone au michirizi ya damu

• Maumivu ya tumbo, kuharisha mara kwa mara au mabadiliko ya tabia ya choo (Haja ngumu ↔ kuharisha)

Visababishi

Sababu zinazoweza Kusababisha Kamasi kwenye kinyesi

Kwa watu wazima:

• Maambukizi ya bakteria au virusi kwenye mfumo wa mmeng’enyo

• Ugonjwa wa Crohn’s

• Ugonjwa wa Kolaitis ya vidonda (asaletivu kolaitis)

• Saratani ya utumbo mpana

• Kuvimba kwa utumbo (Kolaitis) kutokana na mzio wa chakula

Kwa watoto

Kwa watoto, visababishi vinaweza kuwa tofauti au vya ziada, ikiwemo:

• Sindromu ya matumbo sumbufu(IBS)

• Intussusception – hali ya utumbo kuingia ndani ya sehemu nyingine ya utumbo

• Kolitis ya vidonda

• Sistiki faibrosis

• Maambukizi ya amiba, rota au bakteria

• Vidonda kwenye utumbo

• Mzio wa vyakula au kutostahimili maziwa

• Kuharisha sana kwa muda mrefu

• Kubadilika kwa aina ya maziwa au vyakula vya mtoto

Nini cha kufanya nyumbani?

• Fuata lishe safi isiyo na mafuta mengi wala sukari kupita kiasi

• Kunywa maji ya kutosha

• Epuka vyakula vinavyosababisha mzio au kutostahimilika (kama maziwa)

• Kwa watoto, hakikisha mabadiliko ya chakula yanaratibiwa na daktari au mtaalamu wa lishe

• Tumia ORS ikiwa kuna dalili za upungufu wa maji mwilini

Hitimisho

Kamasi kidogo kwenye kinyesi ni kawaida, lakini ikiwa hali hii inaambatana na dalili nyingine za hatari kama damu, maumivu au kuharisha sana, tafuta ushauri wa kitaalamu. Uchunguzi wa mapema huongeza nafasi ya tiba bora.

Maswali yanayoulizwa mara kwa mara