Vipele sehemu za siri tiba yake ni nini?

Swali la mgonjwa

“Vipele sehemu za siri tiba yake ni nini?”

Majibu ya kitaalamu

Vipele sehemu za siri ni dalili inayoashiria mabadiliko ya ngozi au uwepo wa ugonjwa unaohitaji uchunguzi makini. Tiba yake hutegemea chanzo, kwa kuwa vipele vinaweza kutokana na maambukizi, mzio, magonjwa ya ngozi, au hata msuguano. Ni muhimu kutambua sababu sahihi ili kupata matibabu stahiki.

Visababishi

Visabaishi vikuu vya vipele sehemu za siri ni pamoja na;

1. Magonjwa ya zinaa

Baadhi ya magonjwa ya zinaa yanayosababisha vipele au malengelenge ni:

• Herpes genitalis

• Kisonono (Gonorrhea)

• Chlamydia

• Kaswende

• Molluskam kontagiosam

Tiba:Hutolewa kulingana na ugonjwa husika, ikiwa ni pamoja na:

• Dawa za kudhibiti virusi kwa herpes

• Antibiotiki maalum kwa kisonono, Klamidia na kaswende

• Tiba ya kuondoa vidundu kwa Molluskam kontagiosam

Uchunguzi wa daktari ni muhimu kabla ya kuanza tiba.

2. Mzio (Aleji) wa Mafuta, Sabuni, Pedi au Kondomu

Husababisha upele mwekundu, kuwasha, au kuchubuka.

Tiba:

• Epuka kabisa chanzo kinachosababisha mzio

• Tumia dawa za kuzuia mzio

• Tumia krimu laini ya hydrocortisone kwa ushauri wa daktari

3. Magonjwa ya ngozi sehemu za siri

Hali hizi zinaweza kuathiri wanawake na wanaume:

• Izima

• Soriasis

• Lichen planas au Lichen sklerosas

Tiba:

• Krimu maalum za kupunguza uvimbe na kuwasha (steroids za kupaka)

• Matibabu ya ziada kulingana na ushauri wa daktari bingwa wa ngozi

4. Maambukizi ya fangasi

Husababisha upele unaowasha sana, wekundu, na wakati mwingine ute mzito kwa wanawake.

Tiba:

• Dawa za kuua fangasi za kupaka ama clotrimazole

• Dawa ya fluconazole (kwa ushauri wa daktari)

5. Msuguano na kutokwa jasho sana

Husababisha vipele kwenye mapaja ya ndani, korodani, au sehemu zinazogusana.

Tiba:

• Vaa nguo za pamba zisizobana

• Tumia poda maalum au dawa za kupunguza unyevu

• Epuka jasho kujikusanya kwa muda mrefu

6. Vipele vya Vinywele (Folikulaitis)

Hutokana na kuvimba kwa vinywele baada ya kunyoa au msuguano.

Tiba:

• Kusafisha kwa antiseptic

• Krimu ya antibiotiki kama mupirocin

• Epuka kunyoa mara kwa mara hadi ngozi ipone

Wakati gani wa kumwona daktari?

Mwone daktari ikiwa vipele;

• Vinaongezeka

• Vinatoa usaha

• Vinambatana na homa

• Havipotei ndani ya siku 3–5

• Vinaambatana na maumivu wakati wa kukojoa au tendo la ndoa

Mambo ya muhimu ya kuzingatia

• Usijitibu bila uchunguzi wa daktari, hasa kama vipele vinaambatana na maumivu, usaha, au vidonda.

• Usitumie dawa za marafiki au za dukani bila ushauri, kwa kuwa zinaweza kuongeza upele au kuzidisha maambukizi.

• Tumia sabuni laini zisizo na kemikali kali.

• Safisha sehemu za siri kwa maji safi na ukaushe vizuri bila kusugua sana.

Makala zingine

Unaweza kupenda kusoma makala zingine pia zinazofuata;

• Vipele kwenye uume 

• Vipele vya UKIMWI 

• Vidonda ukeni 

• Vidona kwenye uume 

Maswali yaliyoulizwa mara kwa mara