Kiungulia ni maumivu yanayohisiwa sehemu ya katikati ya kifua, nyuma na chini ya miishio ya fupa titi na mara nyingi hutokana na kucheua tindikali iliyo tumboni.

Kiungulia inaweza kuwa dalili ya ugonjwa ambao hauendani na ugonjwa ulionao sasa. Mfano wa hali na magonjwa yanayoweza kusababisha kiungulia ni:

• Kula vyakula vyenye viungo kwa wingi

• Kunywa pombe

• Kuvaa nguo za kubana

Namna ya kujikinga jna kiungulia

Ili kuzuia kiungulia, unapaswa kufanya mambo yafuatayo;

• Kuepuka kuulaza mwili wako kwa angalau masaa 2 mara baada ya kula

• Epuka kutumia vyakula vilivyosheheni mafuta, na uchachu

• Epuka kula chocolate

• Kutumia dawa za kuzuia uzalishaji tindikali tumboni

Wakati gani wa kuonana na daktari haraka?

Tafuta msaada wa haraka endapo unapatwa na dalili zifuatazo:

• Maumivu ya kifua yanayoambatana na kutokwa jasho au kuishiwa pumzi au maumivu yanayoelekea kwenye mkono, taya au bega la kushoto

• Dalili hazisikii dawa za kuzuia uzalishaji tindikali

Unaweza weka miadi ya kuonana na daktari endapo una dalili zifuatazo:

• Unapatwa na kiungulia mara nyingi kwa wiki

• Unashindwa kulala kwa sababu ya dalili za kiungulia

• Unapata kikohozi kipya

• Kiungulia hakiponi licha ya kutumia dawa

• Unapoteza uzito bila sababu