Allis’ sign ni nini kwa kiswahili?

Ni neno tiba lenye jina la kiswahili la Ishara ya "Allis"

Ishara ya Allis

Kwa mtu mzima: Hii ni kulegea kwa fascia lata kati ya mwamba wa nyonga (iliac crest) na trokanta kubwa ya fupapaja (greater trochanter) kutokana na mvunjiko wa shingo ya fupapaja.

Jinsi ya kugundua dalili hii

• Weka kidole juu ya eneo kati ya mwamba wa nyonga na trokanta kubwa ya fupa la paja.

• Bonyeza kwa nguvu.

• Ikiwa kidole chako kinazama kwa kina katika eneo hili, basi Ishara ya Allis ipo.

  
  

Kwa mtoto mchanga: Hii inahusisha urefu wa miguu usio sawa kutokana na kuteguka kwa nyonga.

Jinsi ya kugundua dalili hii:

• Muweke mtoto chali na nyonga ikiwa tambarare.

• Pinda miguu yote miwili kwenye goti na nyonga huku nyayo zikiwa sambamba.

• Linganisha urefu wa magoti.

• Ikiwa goti moja liko chini kuliko jingine, basi shuku kuteguka kwa nyonga kwenye mguu mfupi zaidi.