Aphasic agraphia

Aphasic Agraphia hufahamika kwa kiswahili kama Agrafia ya afezia ambapo ni aina ya agrafia (kupoteza au kuharibika kwa uwezo wa kuandika) inayotokea pale ambapo mtu ana afezia, yaani tatizo la lugha linalosababishwa na uharibifu katika maeneo ya ubongo yanayohusika na uzalishaji na uelewa wa lugha. Katika hali hii, mtu hushindwa kuandika kwa usahihi si kwa sababu ya udhaifu wa mikono au matatizo ya uratibu wa mwili, bali kwa sababu mfumo wa lugha umeathirika. Athari hizi hujidhihirisha kupitia makosa ya tahajia, sarufi, mpangilio wa maneno, na uundaji wa sentensi, hali inayomfanya mtu akose uwezo wa kuweka maneno kwa usahihi katika maandishi.