Atrophic vaginitis

Ni neno tiba lenye jina la kiswahili la "Atrofia ya uke" ambapo ni hali ya kitabibu inayotokea pale ambapo tishu za uke hupungua unene, unyevunyevu, na uimara wake kutokana na upungufu wa homoni ya estrojeni. Hali hii husababisha mabadiliko ya kimuundo na kifizikia katika ukuta wa uke, ikiwa ni pamoja na kukauka, kupungua kwa uwezo wa kusinyaa na kutanuka, na kuongezeka kwa uwezekano wa maumivu au michubuko.

Dalili kuu za Atrofia ya Uke

• Ukavu wa uke

• Kuwashwa au kuungua ndani ya uke

• Maumivu wakati wa kujamiiana

• Kutokwa damu kidogo baada ya kujamiiana

• Kuhisi uke kuwa mwembamba au kukaza

• Maambukizi ya mara kwa mara ya njia ya mkojo (kwa baadhi ya wagonjwa)

Visababishi vikuu

• Kupungua kwa homoni ya estrogeni

• Kukoma kwa hedhi

• Kuondolewa kwa ovari (upasuaji)

• Matumizi ya dawa zinazopunguza estrogeni

• Kunyonyesha kwa muda mrefu

• Matibabu ya saratani (kemotherapi au radiotherapi)