Kipimo cha usikivu wa virusi kwenye dawa

Kipimo cha usikivu wa virusi kwenye dawa (viral culture and sensitivity), pia huitwa kipimo cha kuotesha virusi na kuangalia usikivu wao kwenye dawa, ni kipimo cha maabara kinachotumika kutambua virusi katika sampuli ya mgonjwa na kutathmini mwitikio wa virusi hao kwa dawa za kudhibiti virusi. Tofauti na bakteria, virusi havioti kwenye mazingira ya kawaida ya maabara, hivyo hutumia seli hai maalum kwa ajili ya kuvitambua na kuvichunguza.

Kipimo cha usikivu wa virusi kwenye dawa kinaweza kusaidia kubaini kama virusi vina usikivu au usugu dhidi ya dawa fulani za kuzuia virusi, hasa katika baadhi ya maambukizi ambapo usugu wa dawa unaweza kutokea. Matokeo husaidia mtoa huduma kuchagua dawa inayofaa zaidi kulingana na aina ya virusi na mwitikio wake kwa dawa.

Kumbuka: Kwa maambukizi mengi ya virusi, vipimo vya kisasa kama PCR na vipimo vya vinasaba hutumika zaidi kuliko kuotesha virusi, na vipimo vya usikivu wa dawa hufanywa katika hali maalum kulingana na virusi vinavyoshukiwa na madhumuni ya uchunguzi.

Tazama pia: Antivairasi, Usugu wa virusi dhidi ya dawa, PCR, Maambukizi ya virusi.