Kiwango cha chini cha koletroli nzito kwenye damu

Kiwango cha chini cha kolestro nzito kwenye damu au kiwango cha chini cha lehemu nzito kwenye damu ni hali ambapo kiwango cha Kolestro nzito katika damu huwa chini kuliko kiwango kinachotarajiwa. Kolestro nzito husaidia kubeba kolesteroli kutoka kwenye mishipa ya damu kwenda kwenye ini, ambako inaweza kuchakatwa na kuondolewa mwilini.

Kwa ujumla, kiwango cha kolestro nzito cha chini ya 40 mg/dL (chini ya 1.0 mmol/L) kwa wanaume na chini ya 50 mg/dL (chini ya 1.3 mmol/L) kwa wanawake huchukuliwa kuwa cha chini. Kiwango cha 60 mg/dL (1.6 mmol/L) au zaidi kwa kawaida huhusishwa na hatari ndogo zaidi ya ugonjwa wa moyo, ingawa kolestro nzitohaitafsiriwi peke yake bila kuangalia vipimo vingine vya mafuta kwenye damu.

Kiwango cha chini cha kolestro nzito kinaweza kuhusishwa na kutofanya mazoezi, uzito kupita kiasi, uvutaji wa tumbaku, kisukari, lishe isiyofaa, baadhi ya dawa na baadhi ya hali za kurithi. Kolestro nzito ya chini mara nyingi haina dalili maalumu na kwa kawaida hugunduliwa wakati wa kipimo cha mafuta kwenye damu.

Matibabu hayalengi kuongeza kolestro nzito kwa dawa pekee. Badala yake, huzingatia kupunguza hatari ya ugonjwa wa moyo kwa ujumla, kwa kufanya mazoezi mara kwa mara, kudumisha uzito unaofaa, kutovuta tumbaku, kula lishe yenye afya na kudhibiti kisukari, shinikizo la damu na kiwango cha kolestro nyepesi inapohitajika.

Kumbuka: Kolestro nzito ya chini ni moja ya viashiria vya hatari ya ugonjwa wa moyo, lakini haipaswi kutafsiriwa peke yake. Daktari huangalia pia kolestro nyepesi, traigliseraidi, shinikizo la damu, kisukari, umri na vihatarishi vingine ili kutathmini hatari ya mtu kwa ujumla.