Vaginal discharge

Ni neno tiba lenye jina la kiswahili la "Kutokwa na ute ukeni"

Kutokwa kwa uchafu wa uke. Hii ni hali ya kawaida kwa wanawake walio katika umri wa uzazi, ambapo uchafu wa uke wa kawaida ni wa mithiri ya kamasi, mweupe au wazi, usio na damu, na hauna harufu. Ute huu hutengenezwa na tezi kamasi ya kizazi na, kwa kiwango kidogo, na tezi za vulva. Kutokwa na ute kunaweza kuwa kidogo au mwingi kutokana na uchochezi wa estrogen na mabadiliko katika mzunguko wa hedhi wa mgonjwa. Hata hivyo, mabadiliko kama ongezeko kubwa la ute au mabadiliko ya rangi, harufu, au mfanano yanaweza kuashiria ugonjwa. Ute huu unaweza kutokana na maambukizi, magonjwa ya zinaa, magonjwa ya njia ya uzazi, fistula, na dawa fulani. Aidha, kuwepo kwa kitu cha kigeni kwa muda mrefu, kama vile  pedi za kuingiza ukeni na kizuizi katika uke kunaweza kusababisha msisimko na utoaji wa majimaji ya uchochezi, kama vile kujisafisha mara kwa mara ndani ya uke, bidhaa za usafi wa kike, bidhaa za uzazi wa mpango, Kuoga kwa povu, na tishue za kujifuta chooni zilizotiwa rangi au harufu.