Vesicular rash

Ni neno tiba lenye jina la kiswahili la "Harara lenge"

Harara lenge ni vipele vya mtawanyiko au vilivyojipanga vilivyo na mipaka ya wazi na vilivyojaa maji safi, yenye ukungu, au ya damu. Harara hizi ambazo mara nyingi hazizidi sentimita 0.5 kwa kipenyo, vinaweza kutokea kimoja au katika kundi. Wakati mwingine, vinaweza kuwa lenge kubwa — harara kubwa iliyojaa maji na kuzidi kipenyo cha sentimita 0.5.

Harara lenge zinaweza kuwa za wastani, au hali kali na inaweza kuwa ya kudumu kwa muda mrefu au mfupi. Harara hizi huweza kutokana na matokeo ya maambukizi, uchochezi, au mwitikio wa mzio.

Historia na uchunguzi wa kimwili katika kugundua lenge

Muulize mgonjwa kuhusu wakati alipoanza kuona lenge, jinsi lilivyoenea, na kama limeonekana hapo awali. Je, kulikuwa na harara zingine kwenye ngozi kabla ya kuibuka kwa lenge? Pata historia ya kina ya matumizi ya dawa. Ikiwa mgonjwa ametumia dawa kupaka kwenye ngozi, alitumia aina gani na ilitumika lini mara ya mwisho? Pia, uliza kuhusu ishara na dalili nyingine zinazohusiana. Jua kama ana historia ya familia ya matatizo ya ngozi, na uliza kuhusu mzio, maambukizi ya hivi karibuni, kung'atwa na wadudu, na kujianika kwenye vitu vinavyosababisha mzio.

Chunguza ngozi ya mgonjwa, angalia kama ni kavu, yenye mafuta, au unyevu. Angalia usambaaji wa jumla wa vidonda, na rekodi mahali halisi vilipo. Kumbuka rangi, umbo, na ukubwa wa vidonda, na angalia kama kuna magamba, madoa, makovu, makula, papula, au hivu. Papasa lenge au lenge kubwa ili kubaini kama ni laini au gumu. Telezesha kidole chako juu ya ngozi ili kuona kama safu ya nje ya epidermis itajitenge kwa urahisi kutoka kwa safu ya chini yake (Ishara ya Nikolsky).