Mguu farasini hali ambayo mtoto hawezi kupinda kanyagio la mguu kuelekea juu zaidi ya kiwango cha kawaida. Hii husababisha mtoto kutembelea vidole na kama hajaanza kusimama, akisimamishwa vidole hugusa sehemu ya kukanyagia badala ya kanyagio zima. Kwa watoto wachanga, mguu farasi unaweza kuwa wa kuzaliwa au wa kupata baada ya kuzaliwa, na unaweza kuathiri ukuaji wa kawaida wa kutembea endapo matibabu yatafanyika mapema. Makala hii imezungumzia kwa undani kuhusu epidemiolojia, visababishi, vihatarishi, vipimo, matibabu, lini kumuona daktari, na tiba ya nyumbani ya mguu farasi kwa watoto.

Epidemiolojia

Mguu farasi kwa kawaida huwa hautokei kama udhaifu wa kujitegemea kwa watoto wachanga kwani mara nyingi huambatana na matatizo mengine kama miguu kifundo au mtindio wa ubongo. Tatizo la mguu kifundo, ambalo mara nyingi huambatana na mguu farasi, hutokea takribani kwa mtoto 1 kati ya 1,000 wanaozaliwa hai duniani.

Visababishi

Vifuatavyo ni visababishi vya mguu farasi;

• Matatizo ya kuzaliwa

  • Mguu kifundo

  • Misuli ya nyuma ya mguu kuwa mifupi au ngumu

• Matatizo ya neva

  • Mtindio wa ubongo

  • Mgongo wazi

• Madhaifu ya Mifupa na misuli:

  • Distrofia ya misuli

  • Ugumu wa misuli bila sababu ya kitaalamu (idiopathic)

• Madhaifu ya mkao wa mtoto tumboni wakati wa ujauzito

  
  

Vihatarishi

Vifuatavyo ni vihatarishi vya Mguu farasi;

• Historia ya familia yenye matatizo ya miguu

• Magonjwa ya mfumo wa neva

• Kuzaliwa kabla ya muda

• Kiwango kidogo cha maji ya uzazi

• Ujauzito wenye nafasi finyu kwa mtoto

• Majeraha wakati wa kuzaliwa

• Maambukizi au matatizo ya ukuaji wa neva

  
  

Vipimo na uchunguzi

• Uchunguzi wa mwili:

  • Kupungua kwa mjongeo wa kanyagio kwenye juu katika kifundo cha mguu

  • Utambuzi wa kutembea kwa vidole (kwa watoto waliokaribia umri wa kutembea) au kuwa na mwendo wa kutembea usio kawaida.

• Picha za mionzi:

  • X-ray kwa mifupa

  • Picha ya mionzi sauti kwa watoto wachanga (hasa kwa mguu kifundo)

• Uchunguzi wa neva:

  • Kuchunguza kama kuna mtindio wa ubongo au mgongo wazi

• Vipimo vya vinasaba: Ikiwa kuna mashaka ya kuwa sehemu ya ugonjwa wa kurithi

  
  

Matibabu

Matibabu bila upasuaji

• Mazoezi ya kuvuta misuli: Kuvuta kifundo cha mguu kuelekea juu kila siku

• Fiziotherapia: Mazoezi ya kuimarisha misuli na kuongeza urefu wa misuli

• Kuweka plasta za kufunga miguu kwa hatua: Kama sehemu ya matibabu ya mguu kifundo (mfano: njia ya Ponseti)

• Vifaa maalumu: Matumizi ya vifaa vya kusaidia kifundo kama AFO

  
  

Upasuaji

• Kurefusha tendoni ya kisigino (Kuingeza tendoni ya Achilles): Kwa watoto wenye hali kali ambao hawajatibika kwa njia zingine.

• Kuhamisha au kukata tendoni: Kwa matatizo yanayotokana na neva au misuli

  
  

Lini umpeleke mtoto kwa daktari

• Mguu wa mtoto unaonekana kupinda au kuwa kukakamaa kwenye kifundo

• Mtoto hapati ukuaji wa kimota kama vile kushindwa kusimamia kanyagio hadi kufikia miezi 9–12

• Kutembea kwa vidole au kutotembea kabisa

• Mazoezi ya nyumbani hayasaidii baada ya wiki chache

• Mguu au miguu kuwa tofauti upande mmoja

  
  

Tiba ya nyumbani

• Mazoezi ya kunyoosha kifundo: Yafanyike mara kadhaa kwa siku

• Kuweka mtoto kwenye tumbo: Husaidia kuimarisha misuli ya mgongo na miguu

• Kuchua mguu na misuli ya nyuma ya mguu taratibu

• Kufuata ratiba ya kliniki kwa ufuatiliaji wa maendeleo ya mtoto.