Phocomelia ni ulemavu wa maumbile ya miguu na mikono unaoonekana wakati wa kuzaliwa na hutokea kwa nadra sana. Ulemavu huu husababisha kutofanyika kikamilifu kwa miguu na mikono au kukosekana kabisa kwa viungo hivi.

Dalili za phecomelia

• Miguu na mikono kuwa mifupi au kukosekana kwa vyote

• Kiganja cha mkono au vidole vya mikono na miguu kujishikiza moja kwa moja kwenye kiwiliwili

• Vidole vya miguu kujisikiza moja kwa moja kwenye nyonga

• Kufanyika vibaya kwa mifupa ya uso na kichwa

Dalili zingine

Mbali na dalili za kutoumbika vema kwa miguu na mikono, dalili zingine za phocomelia ni;

• Kutapika

• Kipanda uso

• Ongezeko la shinikizo ndani ya ubongo kutokana na ongezeko la maji ndani ya kichwa

• Kuwa na shingo fupi

• Madhaifu ya kiakili

• Madhaifu ya kizazi, figo, urethra na moyo

• Matatizo ya kuganda kwa damu

Visababishi

Nini husababisha phocomelia?

Thalidomide iliyokuwa ikitumika katika matibabu ya homa ya asubuh, wasiwasi uliopitiliza na ukoma wakati wa ujauzito imeonekana kusababisha ulemavu huu wa phecomeli. Nchi nyingi zinazoendelea ambazo bado zimeendelea kutumika thalidomide kama dawa pekee ya ukoma, zimeendelea kupata ulemavu huu.

Mbali na matumizi ya thalidomide kusabaisha phecomelia, watafiti pia wamehusianisha tatizo hili kusababishwa na sindromu ya kijenetiki, licha ya kutokea kwa nadra sana.

Ulemavu unaofanana na phecomelia

Ulemavu unaofanana na phecomelia ni;

• Sindromu ya Roberts

• Thrombocytopenia with radial aplasia (TAR)

• Sindromu ya ulemavu mkali wa mikono na miguu

• Vertebral hypersegmentation

• Mirror polydactyly

Matibabu

Licha ya ulemavu wa phocomelia kutokuwa na tiba ponyaji, ulemavu huu una tiba saidizi ya viungo vya bandia vinavyoweza kumsaidia mlemavu kuishi kwenye mazingira yake.

Kama mtoto atakuwa na madhaifu kwenye mifupa ya kichwa, atafanyiwa upasuaji wa kurekebisha Kama utahitajika ili kuboresha ubora wa maisha.