Chai ya kitunguu swaumu na tangawizi

Mbali na kuongeza kinga ya mwili, kuondoa sumu mwilini, kuzuia saratani, kudhibiti sukari na shinikizo la damu na kushusha kiwango cha lehemu kwenye damu, chai ya kitunguu swaumu na tangawizi humwezesha mwanaume kufanya ngono kwa muda mrefu zaidi. Tumia mazao haya kila siku kwa afya yako.

Faida za chai ya kitunguu swaumu na tangawizi

Kuna tafiti nyingi za kuaminika zimefanyika kuchugnuza umuhimu wa kitunguu swaumu na tangawizi kwa binadamu. Tafiti hizo zimeonyesha matokeo mazuri ya viungo hivi. Faida zake baadhi zimeelezewa hapa chini;

Huondoa sumu mwilini

Kitunguu swaumu na tangawizi hufahamika kwa uwezo wake wa kuondoa sumu mwilini kwa kupunguza michomo ya kinga ya mwili. Michomo kinga ya muda mrefu (sugu) mwilini kutokana na kinga za mwili huambatana na magonjwa mbalimbali sugu kama vile magonjwa ya moyo na saratani mfano saratani ya kongosho, saratani ya tezi dume na titi)

Vitunguu swaumu na tangawizi huwa na viuaji sumu vyenye nguvu zaidi na hivyo huweza kudhibiti kuamka kwa michomo kinga.

Huongeza kinga mwilini

Chai ya kitunguu swaumu na tangawizi ina uwezo wa kupunguza michomo kinga, kuua virusi, bakeria na vimelea wengine wanaosababisha maradhi kwa kuimarisha mfumo waking ya mwili. Ili kupata faida hii, tumia mara kwa mara viungo hivi.

Hukinga chembe hai dhidi ya majeraha

Sumu ya oksijeni huweza kudhuru chembe hai na kuharibu mfumo wa kinga ya mwili wako.

Mwili huwa na mfumo wa kinga kudhibiti sumu ya oksijeni, kwa kutumia vimeng’enya kama superoxide dismutase na glutathione peroxidase. Vimeng’enya hivi hufanya kazi ya kuweka uwiano wa sumu ya oksijeni mwilini. Hata hivyo kama mfumo huu umelemewa na sumu ya oksijen husababisha kuharibiwa kwa chembe hai.

Tafiti zinaonyesha kuwa kitunguu swaumu na tangawizi husaidia kupunguza sumu ya oksijeni ikiwa pamoja na sumu kali zaidi yenye jina la malondialdehyde.

Tafiti zinaonyesha kuwa kunywa chai ya kitunguu swaumu na tangawizi kwa mwezi mmoja hupunguza kiwango cha malondialdehyde na kuongeza vimeng’enya muhimu vya kuharibu sumu ya oksijeni (superoxide dismutase na glutathione peroxidase)

Huimarisha uwezo wa kiakili

Huimarisha uwezo wa kiakili na fikra

Matumizi ya mara kwa mara ya kitunguu swaumu na tangawizi huulinda ubongo na kusaidia kuongeza uwezo wa kiakili.

Tafiti zinaonyesha, watu waliotumia viungo hivi kwa muda mrefu uwezo wao wa kiakili umakini na afya kwa ujumla ilikuwa bora zaidi ukilinganisha na kundi ambalo halikuwa linatumia viungo hivi.

Hupunguza hatari ya magonjwa ya moyo

Tafiti zinaonyesha kuwa kitunguu swaumu na tangawizi husaidia kupunguza hatari ya kupata magonjwa ya moyo kwa kupunguza shinikizo la damu, kiwango cha lehemu na kudhibiti kiwango cha sukari mwilini.

Kiwango cha lehemu mbaya, sukari na shinikizo la damu hupungua hivyo kupunguza hatari ya magonjwa ya moyo na kuongeza uwezo wa mwili kudhibiti kiwango sukari kwa mgonjwa wa kisukari.

Huongeza uwezo wa mwanaume kujamiana kwa mdua mrefu zaidi

Chai ya kitunguu swaumu endapo itatumika mara kwa mara na kabla ya ngono, humwongezea mwanaume uwezo w akushiriki tendo la ndoa kwa muda mrefu na hivyo humwongezea nguvu za kiume. Ili kupata amatokeo mazuri zaidi, inashauriwa kutengeneza chai ya kitunguu swaumu kwa kutumia kijiko kimoja cha kitunguu swaumu na tangawizi kisha kunywa kabla ya kushiriki ngono.

Unapaswa kutumia pia vyakula vya kiafya haswa nafaka zisizokobolewa (kama mahindi, na karanga) masaa kadhaa kabla ya kunywa chai hii na kushiriki ngono.