Epuka kula chumvi nyingi

Kula vyakula vya kusindikwa au kuongeza chumvi wakati wa kula ni chanzo kikuu cha kula chumvi nyingi. Epuka kula zaidi ya gramu 2.3 za chumvi kila siku kwa kuacha chumvi ya nyongeza na kuchagua chakula chenye chumvi kidogo.

Chumvi ni nini?

Chumvi ni madini ya sodium yaliyoungana na chloride, gramu moja ya chumvi huwa na asilimia 40 ya sodium na asilimia 60 ya chloride.

Mwili unahitaji kiasi gani cha chumvi kila siku?

Ili mwili uweze kufanya kazi vema unahitaji kula kila siku kati ya gramu 1.5 hadi 2.3 kama inavyoshauriwa na mashirika mbalimbali ya kiafya. Gramu 2 za chumvi huwa sawa na robo kijiko cha chai. Wagonjwa wa shinikizo la damu pia wanapaswa kupata chumvi kwenye chakula ili waweze kupata afya njema, kiasi wanachoshauriwa ni gramu 1.5 kwa siku. Kiasi cha chumvi kinachopaswa kutumika kwa siku kulingana na umri kimeainishwa hapa chini;

• Umri wa mwaka 1–3 Gramu 1.5

• Umri wa miaka 4–8 Gramu 1.9

• Umri wa miaka 9–13 Gramu 2.2

• Umri wa miaka 14–18 Gramu 2.3

Hasara za nyingi mwilini

Licha ya kuwa na umuhimu pamoja na faida lukuki mwilini, kula chumvi nyingi husababisha madhara ya moja kwa moja kwenye ubongo, mishipa ya damu, mishipa ya fahamu, moyo na figo. Tafiti mbalimbali zilizofanywa kwa m’mbwa na panya na uchunguzi uliofanyika kwa biandamu unathibitisha kuwa madhara hayo hutokea pasipo kuchangiwa na shinikizo la damu. Madhara mengine ya chakula chenye chumvi nyingi ni;

• Kukakamaa kwa mishipa ya damu

• Kuamka kwa magonjwa ya shambulio binafsi la kinga ya mwili

• Ugonjwa wa shinikizo la juu la damu

• Saratani

Namna ya kutambua kiasi cha chumvi kwenye vyakula vya kusindikwa

Ili kutambua kiasi cha chumvi kwenye vyakula vya kusindikwa, soma maelezo ya vilivyomo ndani ya chakula hicho. Maelezo yanayokuwepo na maana yake halisi yameorodheshwa hapa chini;

Majina yanayoonekana kwenye lebo ya chakula na maana yake iliyofichika

Salt/Sodium

Free- ina chumvi chini ya miligramu 5 kwa kila zao

Very Low Sodium

Ina miligramu 35 ya sodium au pungufu

Low Sodium

Ina miligramu 140 ya sodium au pungufu

Reduced Sodium

Ina upungufu wa asilimia angalau 25 ya chumvi ukilinganisha na vyakula vingine vya kusindikwa

Light in Sodium au Lightly Salted

Imepunguzwa chumvi kwa asilimia 50 kulinganisha na vyakula vingine vya kusindikwa

No-Salt-Added au Unsalted

Chakula hakijaongezewa chumvi wakati wa maandalizi na huwa hakina chumvi.

Namna ya kuepuka kula chakula chenye chumvi nyingi

Soma kila lebo ya chakula cha kusindikwa, hakikisha kama unatumia chakula chenye chumvi, hautumii zaidiya gramu 2.3 kwa siku( hii ni jumla ya chakula hicho cha kusindikwa na vyakula vingine)

• Andaa chakula chako mwenyewe ambacho kinafahamika kina kiasi gani cha chumvi

• Ongeza ladha ya chakula bila kuongeza chumvi

• Tumia nyama isiyosindikwa badala ya mazao yake kama soseji n.k

• Kama unatumia mboga za majani za kusindikwa, tumia ambazo hazijawekewa chumvi

• Osha kwa maji vyakula vilivyosindikwa kwa chumvi kabla ya kula au kupika

• Nunua vyakula vya kusindikwa visivyo na chumvi

• Punguza kiasi cha mlo unaokula ili kuepuka kula chumvi nyingi

• Kama unakula mgahawani, pendelea vyakula vyenye chumvi kidogo sana.

Maswali yaliyoulizwa mara kwa mara na majibu yake