Kiasi na siku za kutokwa damu baada ya kutoa mimba kwa misoprostol

Misoprostol ni dawa inayotumika kutoa mimba kwa njia salama, hasa kwa ujauzito usiozidi miezi mitatu. Hutumika peke yake au kwa kushirikiana na mifepristone. Moja ya athari zake kuu ni kutokwa damu, ambayo ni sehemu ya kawaida ya mchakato wa kutoa mimba. Hata hivyo, ni muhimu kuelewa kiwango cha damu kinachotarajiwa kutoka, muda wa kutokwa damu, na dalili zinazohitaji msaada wa haraka wa kitabibu mara zinapotokea.

Kiasi cha damu kinachotoka

Kiasi cha damu hutegemea umri wa ujauzito na mwitikio wa mwili kwa dawa. Kwa kawaida viwango vilivyoorodheshwa katika jedwali lifuatalo hutokea kwa watumwengi;

Kwa wastani, wanawake hupoteza takribani kiasi cha mililita 250–500 za damu, ingawa wengine wanaweza kupoteza zaidi au chini kulingana na hali ya mwili.

Siku za kutokwa damu

Muda wa kutokwa damu baada ya kutumia misoprostol ni kama ifuatavyo:

Baada ya damu nyingi ya awali, kutokwa damu kwa matone au uchafu mwepesi unaweza kuendelea kwa hadi wiki 3 kwa baadhi ya wanawake.

Wakati gani wa kumwona daktari haraka?

Unapaswa kuwasiliana na daktari haraka kama utagundua mojawapo ya dalili hizi:

• Kutokwa damu kupita kiasi, kama:

  • Kulowesha zaidi ya pedi 2 kubwa mfululizo kwa zaidi ya saa 2

  • Damu yenye mabonge makubwa kuliko yai au limao

• Homa (≥38°C) au kutetemeka, hii ni dalili za maambukizi

• Harufu mbaya kutoka ukeni

• Maumivu makali yasiyopungua baada ya kutumia dawa za maumivu

• Kutopata damu kabisa ndani ya masaa 24 baada ya kutumia misoprostol

• Kizunguzungu kikali au kupoteza fahamu

Hitimisho

Kutokwa damu baada ya kutumia misoprostol ni jambo la kawaida na ni sehemu ya mchakato wa kutoa mimba. Hata hivyo, ni muhimu kufuatilia hali ya mwili wako, kupima kiasi cha damu kinachotoka, na kujua dalili hatarishi. Taarifa sahihi na ufuatiliaji wa karibu unaweza kusaidia kuhakikisha usalama wa afya ya uzazi.