top of page

Mwandishi:

Dkt. Benjamin L, MD

Mhariri:

Dkt. Rahel, D, MD

Ijumaa, 30 Juni 2023

Kinga ya kiharusi cha mpito

Kinga ya kiharusi cha mpito

Njia nzuri na pekee ya kuzuia kiharusi cha mpito ni kula mlo wa kiafya, kufanya mazoezi ya mpangilio, kuacha kuvuta sigara au matumizi ya pombe kupita kiasi.


Mabadiliko ya kimaisha huweza kupunguza hatari ya kupata magonjwa ya mishipa yad amu kwa kuzuia mafuta kuganda katika mishipa hiyo ambayo huweza kupelekea kupata kiharusi cha mpita. Kama tayari ulishapata kiharusi cha mpito, kufanya mabadiliko ya kimaisha kunaweza kuzuia kupata kiharusi hicho kwa mara nyingine.


Kula mlo wa kiafya

Chakula chenye kiwango kikubwa cha lehamu kinaweza kuongeza hatari ya kupata shinikizo la juu la damu na kiharusi cha mpito kutokana na lehemu kuganda katika mishipa ya damu. Wataalamu wa afya wanashauri kutumia chakula chenye nyuzinyuzi kwa wingi na matunda kila siku pamoja na vyakula vya nafaka zisizokobolewa.


Hakikisha unakula mlo kamili bila kutumia aina Fulani ya chakula kwa wingi haswa vyakula vilivyosindikwa kwa kuwa huwa na chumvi kwa wingi.


Unapaswa kudhibiti kiasi cha chumvi unachotumia katika chakula, kwa siku inashauriwa kutotumia Zaidi ya gramu 6 ambazo ni sawa na kijiko kimoja kidogo cha kupimia sukari.


Soma zaidi katika Makala za chakula cha kiafya kwenye linki ya vyakula kwenye tovuti hii ya ULY CLINIC.


Fanya mazoezi

Kuongezea mazoezi yenye mpangilio katika chakula hufanya mwili wako kuwa imara Zaidi.

Kufanya mazoezi yenye mpangilio hupunguza kiwango cha lehemu katika damu na kushsusha shinikizo la damu katika kiwango kilicho salama.


Mazoezi yanayotakiwa kufanyika kwa angalau dakika 150 kwa mazoezi makali kama vile kuendesha baskeli, kutembea haraka haraka, kulima bustani kila wiki. Au kuwa na dakika 75 kwa mazoezi makali zaidi kila wiki kama vile kuogelea, kukimbia, kupandisha mlima kwa baiskeli.

 

Soma zaidi kuhusu mazoezi ya kiafya katika Makala ya mazoezi sehemu nyingine katika tovuti hii.


Acha kuvuta sigara

Kuvuta sigara huongeza Zaidi hatari ya kupata kiharusi cha mpito kwa sababu kemikali katika sigara husinyaza mishipa ya ateri na kufanya iwe rahisi damu kuganda na kuiziba. Ukiacha kuvuta sigara utapunguza hatari ya kupata kiharusi cha mpito kwa kiasi kikubwa pia kuimarisha afya ya mwili wako ikiwa pamoja na kuzuia magonjwa ya moyo na saratani ya mapafu.


Punguza matumizi ya pombe

Matumizi ya pombe kupindukia huweza kusababisha kuongezeka kwa uzito na shinikizo la juu la damu, mapigo ya moyo kubadilika vyote hivi ambavyo huongeza hatari ya kupata kiharusi cha mpito.


Soma zaidi kuhusu kiasi cha pombe kinachoruhusiwa kiafya soma katika Makala zingine zinazopatikana kwenye tovuti ya ulyclinic.


Pata tiba ya magonjwa

Kama umegundulika kuwa na magonjwa yanayoongeza hatari ya kupata kiharusi cha mpito kama vile kuwa na kiwango cha juu ya lehemu kwenye damu, shinikizo la juu la damu, mapigo ya moyo yasiyo kawaida au kisukari ni vema ukapata matibabu yake ambapo itakuzuia kupata kiharusi cha mpito.


Mabadiliko ya Maisha yanaweza kudhibiti magonjwa haya kwa kiasi kikubwa, hata hivyo pia yanaweza kuhitaji matumizi ya dawa kama ulivyoshauriwa na daktari wako.

ULY CLINIC inakushauri siku zote uwasiliane na daktari wako kabla ya kuchukua hatua yoyote ile kiafya baada ya kusoma vidokezo hivi

Wasiliana na daktari wa ULY CLINIC kwa elimu na ushauri zaidi kupitia namba za simu au kubonyeza 'Pata Tiba' Chini ya tovuti hii.

Imeboreshwa,

30 Juni 2023 19:36:11

Rejea za mada hii:

1. Gennai S, Giordano-Orsini G, Lefour S, Cuisenier P. [Transient Ischemic Attack: Limits and challenges of early management]. Presse Med. 2018 Nov-Dec;47(11-12 Pt 1):934-937.

2. Yousufuddin M, et al. Predictors of Recurrent Hospitalizations and the Importance of These Hospitalizations for Subsequent Mortality After Incident Transient Ischemic Attack. J Stroke Cerebrovasc Dis. 2019 Jan;28(1):167-174.

3. Kim J, et al. A Promising Skills-Based Intervention to Reduce Blood Pressure in Individuals With Stroke and Transient Ischemic Attack. JAMA Neurol. 2019 Jan 01;76(1):13-14.

4. Navis A, et al. Epidemiology and Outcomes of Ischemic Stroke and Transient Ischemic Attack in the Adult and Geriatric Population. J Stroke Cerebrovasc Dis. 2019 Jan;28(1):84-89.
Cereda CW et al. Emergency Department (ED) Triage for Transient Ischemic Attack (TIA). Curr Atheroscler Rep. 2018 Sep 25;20(11):56.

5. Liu L, et al. Guidelines for evaluation and management of cerebral collateral circulation in ischaemic stroke 2017. Stroke Vasc Neurol. 2018 Sep;3(3):117-130.

6. Bibok MB, et al. Retrospective evaluation of a clinical decision support tool for effective computed tomography angiography utilization in urgent brain imaging of suspected TIA/minor stroke in the emergency department. CJEM. 2019 May;21(3):343-351. [PubMed]

7. Johnston SC, et al. National Stroke Association guidelines for the management of transient ischemic attacks. Ann Neurol. 2006 Sep;60(3):301-13.

bottom of page