top of page

Mwandishi:

ULY CLINIC

Mhariri:

Dkt. Mangwella S, MD

Jumanne, 12 Januari 2021

Kupasuka chupa ya uzazi kabla ya wakati

Kupasuka chupa ya uzazi kabla ya wakati

Kupasuka kwa chupa ya uzazi kabla ya kutimiza wiki 37 kamili za ujauzito hujulikana kama 'kupasuka kwa chupa ya uzazi kabla ya wakati'. Tatizo hili hutokea kwa ujauzito 3 kati ya 100, kuwahi pata matibabu sahihi hukinga madhara ya kujifungua mtoto njiti, maambukizi ndani ya mfuko wa uzazi na magonjwa kwa mtoto.


Maelezo ya undani


Kabla ya mtoto kuzaliwa, chupa ya uzazi hupasuka na kuruhusu maji kumwagika kwa kasi nje ya uzazi na mara chache sana huchuruzika taratibu. Uchungu huanza muda mfupi mara baada ya chupa ya uzazi kupasuka, kama utatokea wakati huu utapelekea kujifungua kabla ya wakati na hatari ya kupata mtoto njiti.


Visababishi vya kupasuka chupa ya uzazi kabla ya wakati


Mara nyingi visababishi vya kupasuka chupa ya uzazi kabla ya wakati huwa havifahamiki, hata hivyo visababishi vikuu ni;



  • Maambukizi ndnai ya mfuko wa uzazi

  • Kutanuka kupita kiasi kwa mfuko wa uzazi kutokana na kuwa na ujauzito wa mapacha au maji mengi kwenye chupa ya uzazi

  • Mgandamizo tumboni kutokanana ajali au kupigwa


Matokeo ya kupasuka chupa ya uzazi kabla ya wakati


Mara nyingi mara baada ya kupasuka kwa chupa ya uzazi, uchungu huanza. Baadhi ya nyakati endapo kuna maambukizi ndani ya mfuko wa uzazi, uchungu huchelewa kuanza kuanza kwa siku kadhaa. Kama chupa ya uzazi itapasuka karibu zaidi na mwisho wa ujauzito, mara nyingi.


Baadhi ya nyakati chupa ya uzazi iliyopasuka huweza kuziba yenyewe na kuzuia uchungu kuanza. Kwa nadra sana, ujauzito unaweza kubebwa mpaka mwishoni mwa kipindi cha ujauzito kama chupa imepasuka katika kipindi cha pili cha ujauzito. Maatokeo zaidi ya kupasuka kwa chupa ya uzazi kabla ya wakati ni;


  • Shida ya upumuaji kwa mdodo- sindromu ya upumuaji wa shida ( asilimia 35 ya ujauzito)

  • Maambukizi kwa mtoto ( asilimia 13 hadi 60 ya ujauzito)

  • Kujitanguliza kwa kitovu cha mtoto

  • Kunyofoka kwa kondo la nyuma( asilimia 4 hadi 12 ya ujauzito)

  • Kufa kwa kichanga( asilima 1 hadi 2 ya ujauzito)

  • Kujifungua ndani ya wiki moja (asilimi 50 hadi 75 ya ujauzito)

  • Mgandamizo kwenye kitovu cha mtoto ( asilimia 32 hadi 76 ya ujauzito)


Matibabu ya kupasuka kwa chupa ya uzazi kabla ya wakati


Matibabu ya kupasuka kwa chupa ya uzazi kabla ya wakati huhusisha;


  • Kupatiwa dawa jamii ya corticosteroid kwa ajili ya kukomaza mapafu kwenye umri wa wiki 34 au kabla

  • Matibabu ya subilifu ili kuipa muda chupa ya uzazi kujifunga

  • Dawa za antibayotiki kuzuia maambukizi kwenye kuta za uzazi

  • Kuanzishiwa uchungu kwa dawa kama uchungu hautaanza wenyewe. Uchungu huanzishwa endapo kuna hatari ya maambukizi au mtoto tayari ameshakomaa mapafu


Matibabu mengine kusubilisha uchungu kwa muda


Baada ya kupasuka kwa chupa ya uzazi, matumizi ya dawa za kuzuia uchungu mara nyingi huwa hazina mafanikio makubwa, hata hivyo zinaweza kutumika kuzuia uchungu kuanza kabla ya wakati ndani ya masaa 24 baada ya kutumia dawa za corticosteroid ili kukomaza mapafu ya mtoto au kwa nia ya kumsafirisha mama mpaka kituo cha afya chenye huduma ya watoto njiti kabla ya kujifungua.

ULY CLINIC inakushauri siku zote uwasiliane na daktari wako kabla ya kuchukua hatua yoyote ile kiafya baada ya kusoma vidokezo hivi

Wasiliana na daktari wa ULY CLINIC kwa elimu na ushauri zaidi kupitia namba za simu au kubonyeza 'Pata Tiba' Chini ya tovuti hii.

Imeboreshwa,

6 Oktoba 2021 16:04:19

Rejea za mada hii:

1. Preterm Prelabor Rupture of Membranes (pPROM). https://www.mottchildren.org/health-library/hw221349. Imechukuliwa 14.08.2021

2. TANYA M. MEDINA, M.D, et al. American family of physician. Preterm Premature Rupture of Membranes: Diagnosis and Management. https://www.aafp.org/afp/2006/0215/p659.html. Imechukuliwa 14.08.2021


3. Premature Rupture of Membranes (PROM)/Preterm Premature Rupture of Membranes (PPROM). https://www.chop.edu/conditions-diseases/premature-rupture-membranes-prompreterm-premature-rupture-membranes-pprom#. Imechukuliwa 14.08.2021

bottom of page