Mazingira ya kijani hupunguza msongo wa mawazo

Tafiti nyingi zinaonyesha, kutembelea na au kuishi mazingira yenye ukijani na vitu vya asili ya binadamu, hupunguza msongo wa mawazo na kuimarisha afya kwa ujumla. Tembelea na angalia mazingira ya kijani mara kwa mara kupunguza msongo wa mawazo na kuimarisha afya yako.

Namna gani unaweza kutumia mazingira ya kijani kupunguza msongo mwilini?

Endapo unataka kutumia mazingira ya asili ya binadamu kupunguza msongo wa mawazo fanya mambo yafuatayo;

• Mimea mingi ya rangi ya kijani

• Elekeza macho yako kwenye mazingira hayo, pumua kwa kina, huku ukifikiria namna hewa ianvyoingia na kutoka nje ya mapafu yako. Fanya hivi kwa jinsi utakavyoweza.

Endapo una mkeka, zuria au godoro dogo na eneo ulilopo ni salama, tandika mkeka wako chini, lala kwenye mkeka kisha angalia juu kwenye matawi ya miti, angalia miti na majani jinsi zinavyoitikia upepo unaopita, na sikiliza sauti nzuri ya miti na ndege wanaoimba kwa sauti nzuri, na ruhusu uhisi upepo asilia unaotokea kwenye miti huku ukivuta pumzi kwa kina na kuitoa taratibu.

Ukiwa umechoka kulala, tembea kwenye bustani au kwenye msitu na kisha ruhusu mikono yako iguse matawi na maua mazuri, fikiria namna gani mimea hiyo ilivyoumbwa kwa namna ya kipekee, namna gani inapata chakula, kwanini ina rangi ya kijani n.k

Namna ya kutengezeza mazingira yako kupunguza msongo wa mawaza

Tengeneza mazingira ya nyumbani kwako kwa;

• Kupanda bustani ya maua

• Kupanda miti mingi

• Kupanda majani mafupi

• Kubandika, kuning'iniza au kuchora picha zenye mazingira asilia ya yenye ukijani kwenye kuta za nyumba yako

• Kufuga samaki asili wa baharini kwenye boksi la kioo, huku ukiweka mazingira yao asilia

• Kutumia taa zenye mwanga asili au usio mkali

Endapo unatatizo sugu la msongo wa mawazo unatakiwa fanya nini?

Tafiti nyingi zimefanyika na kuonyesha kuwa, watu wenye tatizo sugu la msongo wa mawazo, endapo watatengeneza mazingira asili nyumbani au maeneo ya kazini, tatizo la msongo wa mawazo hupungua kwa kiasi kikubwa.

Baadhi ya hospitali pia katika nchi za bara la amerika na ulaya, zimeanza kuweka mazingira asili ili kuchangia ufanisi katika matibabu ya wagonjwa kwa kuwakutanisha kwenye mazingira asilia.

Maeneo gani unaweza tembelea ukapunguza msongo wa mawazo?

Yapo maeneo mengi ambayo unaweza tembelea, baadhi ya mazingira unayoweza tembelea ni pamoja na;

• Bustani

• Shambani

• Msituni

• Mbuga za wanyama

• Maeneo ya hifadhi ya misitu

• N.k

Kuwa na mazoea ya kutembelea au kuishi mazingira asilia mara kwa mara, tunza asili ili ikupe afya njema.

Njia zingine za kupunguza msongo wa mawazo zipo?

Ndio. Unaweza fahamu pia kuhusu njia zingine za kupunguza msongo wa mawazo, soma katika makala zingine zilizo ndani ya tovuti hii.