top of page

Mwandishi:

ULY CLINIC

Mhariri:

Dkt. Sospeter M, MD

Jumatatu, 23 Agosti 2021

Vyakula vinavyochochea tezi pituitari

Vyakula vinavyochochea tezi pituitari

Pituitari ni tezi inayofanya kazi ya awali kudhibiti ukuaji wa viumbe. Ili kuongeza kasi ya ukuaji kwa njia asili, tumia vyakula vinavyochochea ufanyaji kazi wake kama vile vyenye vitamin D, E na madini manganese mfano nyama, samaki, mayai, karanga, mboga za majani na nafaka zisizokobolewa.


Ukuaji wa mwili


Ukuaji wa mwili hutegemea uzalishaji wa homon ya ukuaji yenye jina la ‘homon ya ukuaji wa binadamu’ yenye kifupi cha HGH kilichotokana na neno la kiingereza ‘human growth homon’. Homon HGH huzalishwa na tezi ndogo yenye jina la pituitari, tezi hii hufanya kazi kuu ya kuthibiti maendeleo ya ukuaji wa binadamu. Ukuaji wa mwili hujumuisha kuongezeka kwa kimo na umbile la mwili. Ili ukue kimwili na na akili, unapaswa kula vema kuanzia utotoni.


Kula mlo wa kiafya


Kuna faida nyingi za kupata mlo wa kiafya kila siku mbali na kuongeza uzalishaji wa homon za ukuaji. Mlo wa kiafya ni ule uliotokana kwenye makundi matano ya chakula. Baadhi ya vyakula ambavyo vinasisimua tezi pituitari kuzalisha homon ya ukuaji ni;


  • Mayai

  • Samaki

  • Nyanya

  • Nyama nyeupe kama ile ya kuku

  • Nyama nyekundu kama ya ng’ombe

  • Karanga

  • Zabibu

  • Komamanga

  • Raspberi

  • Mbegu za mustadi(mustard seeds)

  • Maharagwe ya soya


Vyanzo vya vyakula vyenye vitamin E


  • Mafuta ya mimea kama alizeti, soya

  • Karanga kama mfano almond na karanga za kawaida

  • Mbegu za mimea kama alizeti

  • Mboga za majani kama spinachi na brokoli

  • Juisi iliyoongezewa viinilishe

  • Siagi ya magarini


Vyakula vyenye Vitamin D


Vyakula vyenye vitamin D kwa wingi ni;


  • Mafuta ya samaki

  • Nyama nyekundu

  • Ini

  • Kiini cha yai

  • Vyakula vilivyoongezewa viinilishe

  • Maziwa ya ng’ombe


Vyakula vyenye manganese


Vyakula vyenye manganese kwa wingi


  • Nafaka zisizokobolewa

  • Karanga

  • Soya

  • Mbaazi

  • Kunde

  • Mchele

  • Mboga za majani

  • Chai

  • Viungo vingi vya chakula kama Pilipili manga

  • Kahawa

  • Shayiri


Mambo muhimu ya kufahamu


Kula mlo wenye tryptophan kwa wingi pamoja na kujianika kwenye mwanga wa jua la asubuhi huongeza uzalishaji wa homon za ukuaji.


Vyakula vyenye tryptophan kwa wingi ni;

  • Mayai

  • Maziwa

  • Nafaka

  • Maharagwe

  • Nyama


Kufunga hupunguza kwa muda mfupi kiasi cha homon insulin mwilini, tendo hili huambatana na kupungua kwa kiasi cha mafuta mwilini pamoja na kuongezeka kwa homon HCG mara 300 zaidi. Ili kuhakikisha kuwa una uzalishaji mkubwa wa homon ya ukuaji wakati wa usiku, punguza kiwango cha homon insulin wakati unalala kwa kuacha kula vyakula vyenye wanga (sukari) kama mkate, wali, ugali na vinywaji vya kusindikwa. Vyakula hivi vimeonekana kuongeza ualishaji wa homon insulin. Kulala usingizi mzito na kwa muda wa kutosha huongeza uzalishaji wa homon ya ukuaji haswa saa moja kabla ya sa sita usiku. Kupata matokeo mazuri, lala masaa mawili kabla ya kuingia katikati ya usiku wa manane.

ULY CLINIC inakushauri siku zote uwasiliane na daktari wako kabla ya kuchukua hatua yoyote ile kiafya baada ya kusoma vidokezo hivi

Wasiliana na daktari wa ULY CLINIC kwa elimu na ushauri zaidi kupitia namba za simu au kubonyeza 'Pata Tiba' Chini ya tovuti hii.

Imeboreshwa,

7 Oktoba 2021 05:08:01

Rejea za mada hii:

1. Elitecme. https://www.elitecme.com/resource-center/nursing/improving-endocrine-health-through-a-healthy-diet. Imechukulia 24.08.2021

2. NHI. Manganese. https://ods.od.nih.gov/factsheets/Manganese-HealthProfessional/. Imechukulia 24.08.2021

3. Medline plus. Vitamin E. https://medlineplus.gov/ency/article/002406.htm. Imechukulia 24.08.2021

4. NHS. Vitamin D. https://www.nhs.uk/conditions/vitamins-and-minerals/vitamin-d/. Imechukulia 24.08.2021

5. 6 ways to boost your human growth hormone levels naturally, for better health. https://www.thestar.com.my/lifestyle/health/2020/11/02/boosting-your-human-growth-hormone-levels-naturally-for-better-health. Imechukuliwa 24.08.2021

bottom of page