Matumizi sahihi ya dawa

Matumizi sahihi ya dawa hujumuisha mgonjwa kupokea dawa sahihi kulingana na mahitaji yake ya kiafya, katika dozi sahihi, muda sahihi wa matibabu na kwa bei anayoweza kumudu. Epuka madhara na gharama kwa kuzingatia matumizi sahihi ya dawa.

Matumizi sahihi ya Dawa ni nini?

Ili matibabu yafanikiwe, ni lazima mtoa dawa na mtumiaji waweze kupeana maelekezo sahihi ya matumizi ya dawa. Kutumia dawa sahihi kwa usahihi, hupunguza madhara ya dawa na gharama kwa mgonjwa.

Matumizi sahihi ya dawa hujumuisha mgonjwa kupokea dawa sahihi kulingana na mahitaji yake ya kiafya, katika dozi sahihi, muda sahihi wa matibabu na kwa bei anayoweza kumudu. Ishara za matumizi sahihi ya dawa ni;

• Kutumia dozi sahihi

• Kumaliza kozi

• Kutumia dawa sahihi katika kutibu ugonjwa

• Kutumia dawa kwa njia sahihi

• Kununua na kutumia dawa baada tu ya kufanyiwa uchunguzi

• Kutumia dawa yenye kiwango cha ubora

• Kutumia dawa zisizoingiliana kiutendaji

• Kutumia viuajisumu( antibayotiki) kutibu magonjwa yanayotokana na bakteria

• Kutumia dawa za viuajivirusi kutibu magonjwa yanayotokana na virusi

• Kutumia dawa bila pombe au vyakula vyenye muingiliano na dawa

• Kutumia dawa zinazoruhusiwa wakati wa ujauzito

Sababu zinazochangia matumizi yasiyo sahihi ya dawa

Kuna sababu mbalimbali zinazoweza kuchangia matumizi sahihi ya dawa ambazo ni;

• Kugundua ugonjwa

• Uandikaji sahihi wa dawa

• Utoaji sahihi wa dawa

• Kumudu gharama za dawa

• Mgonjwa kutumia dawa kwa usahihi

• Mgonjwa kutumia dawa baada ya kupata ushauri wa daktari

Faida za matumizi sahihi ya dawa

• Kuboresha afya ya mtumiaji wa dawa

• Kutimiza Lengo sahihi la matumizi ya dawa husika

• Kupunguza uwezekano wa kujenga usugu wa vimelea vya magonjwa

Kupunguza madhara/Maudhi ya dawa

• Kupunguza gharama zisizo za lazima kwa mgonjwa na Serikali

• Kupunguza uwezekano wa kupata magonjwa yatokanayo na utumiaji sugu wa dawa

• Jamii kuwa na Imani na dawa pamoja na mifumo ya kutolea huduma za afya

Athari zitokanazo na matumizi yasiyo sahihi ya dawa

Mgonjwa asipotumia dawa kwa usahihi yafuatayo yanaweza kutokea;

• Mgonjwa hatapata tiba sahihi na hivyo kuendelea kuugua au kufa

• Uwezekano wa kupata madhara ya dawa

Wajibu wa Mtoa Dawa na mgonjwa katika kuchangia matumizi sahihi ya dawa

Ili kuhakikisha dawa zinatumika kwa usahihi, Mtoa Dawa na mgonjwa wanapaswa;

• Kugundua kwa usahihi dalili za ugonjwa na kufanya uchunguzi kabla ya kutumia dawa

• Kutoa rufaa kwa mgonjwa kwenda ngazi inayohusika kulingana na mahitaji ya kiafya

• Kumpa na kutumia dawa sahihi kulingana na cheti cha daktari au maelezo ya mgonjwa (dawa inatakiwa kuandikwa na daktari kabla ya kutumia)

• Kutoa na kupokea maelekezo juu ya matumizi na uhifadhi sahihi wa dawa.