Maumivu ya tumbo kwenye ujauzito

Maumivu ya tumbo ni moja ya dalili ainayotokea sana katika kipindi chochote cha ujauzito. Maumivu ya tumbo wakati huu huweza kusababishwa na hali inayohusiana au isiyohusiana mojakwamoja na ujauzito hivyo kuashiria uwepo wa tatizo fulani la kiafya.

Visababishi vya maumivu ya tumbo kwenye ujauzito

Visababishi vinaweza kuwa kama ifuatavyo;

Visababishi vinavyohusiana na ujauzito

 Visababishi hivi huweza kuwa;

• Mabadiliko kwenye via vya uzazi (kutanuka)

• Kucheza kwa mtoto au mtoto kukaa vibaya

• Mjongeo wa misuli ya kizazi (uchungu wa uongo)

• Maji mengi kwenye chupa ya uzazi

• Mimba kuharibika

• Mimba kutunga nje ya kizazi

• Ugonjwa wa ini unaosababishwa na kupanda kwa shinikizo la damu wakati wa ujauzito

• Kunyofoka kwa kondo la nyuma

• Kuchanika kwa kizazi

• Uchungu au leba

Visababishi visivyohusiana na ujauzito

Visababishi hivi vinaweza kuwa;

• Vimbe za faibroid

• Vimbe kwenye ovari

• Ugonjwa wa PID

• Maambukizi katika mfumo wa mkojo

• Maambukizi katika mfumo wa umeng’enyaji chakula

• Ugonjwa wa kucheua tindikali

• Ugonjwa wa seli mundu

• Vidonda vya tumbo

• Mawe kwenye figo

• Kidole tumbo

• Kujikunja kwa utumbo

• Choo kigumu au haja ngumu

Matibabu ya maumivu ya tumbo kwenye ujauzito

Matibabu hutegemea kisababishi. Unapohisi maumivu ya tumbo kwenye ujauzito fika kwenye kitu cha afya au wasiliana na daktari wako, kwa uchunguzi ili kubaini kisababishi.

Mambo ya kukumbuka unapokuwa na maumivu ya tumbo kwenye ujauzito

• Maumivu ya tumbo kwenye ujauzito ni dalili inayotokea sana katika vipindi tofauti.

• Ni dalili ambayo huweza kusababishwa na mabadiliko ya via vya uzazi au kuashiria ugonjwa flani.

• Mara nyingi maumivu madogo na ya wastani huisha yenyewe bila matibabu.

• Fika kituo cha afya haraka endapo maumivu ya tumbo yanaambatana na dalili nyingine kama vile kutokwa damu, maumivu wakati wa kukojoa nk.