Maziwa ya ng'ombe kwa mtoto chini ya miezi 12

Imekuwa ni jambo la kawaida kwa watoto kupewa maziwa ya ng’ombe kama mbadala wa maziwa ya mama. Ukweli ni kwamba maziwa ya ng’ombe yana virutubisho vingi zaidi ya maziwa ya binadamu, lakini virutubisho hivi vimelenga zaidi kwa ndama na wala si kwa binadamu. Hivyo pamoja na virutubisho vingi katika maziwa haya hayapendekezwi kitiba kama mbadala wa maziwa ya binadamu.

Watoto wenye umri chini ya miezi 12 hawapaswi kupewa maziwa ya ng’ombe kwani mfumo wa umeng’enyaji wa chakula katika umri huu huwa haujaanza kufanya kazi vema.

Madahara maziwa ya ng’ombe kwa watoto chini ya miezi 12

Zifuatazo ni changamoto zinazoweza kutokea endapo mtoto atapewa maziwa ya ng’ombe chini ya umri wa miezi 12;

• Upungufu wa damu

• Kupungukiwa maji mwilini endapo mtoto ana vihatarishi vingine mafano kuharisha na kutapika

• Magonjwa ya kuhara

• Kushindwa kustahimili laktosi 

• Kuongezeka kwa hatari ya kupata chango 

• Kukosa choo

• Mzio

• Kuongezeka kwa hatari ya kupata kisukari aina ya 1

• Kuongezeka kwa hatari ya kupata magojwa ya mfumo wa umeng’enyaji wa chakula mfano inflamesheni ya matumbo nk.

Mambo ya kuzingatia

Endapo kuna ulazima sana wa kutonyonyesha ni vema kumpa mtoto maziwa ya fomula yaliyoongezwa vitamini 

Madhara ya maziwa ya ng’ombe hupungua endapo mtoto ataanza kunywa baada ya miezi 12.