Mazoezi ni dawa ya msongo

Jibu kwa ufupi

Jibu kwa ufupi: Ndiyo, mazoezi ni dawa nzuri ya msongo. Chagua zoezi unalofurahia na lifanye mara kwa mara.

Maelezo

Msongo ni nini

Msongo ni mwitikio wa mwili dhidi ya mabadiliko yanayohitaji kukabiliana nayo – ya mwili, mawazo au hisia. Mwili hutoa cortisol, adrenaline na noradrenaline ili kukabiliana.

Vichochezi vya homoni za msongo

• Mawazo mengi – pesa, ajira, madeni.

• Kusubiri jambo kwa wasiwasi.

• Hofu ya jambo baya au kushindwa.

• Huzuni baada ya kufiwa, kufukuzwa kazi, kuachana.

Mazoezi husaidiaje

• Hupunguza cortisol.

• Huongeza endorphins – hutuliza, hupunguza maumivu, huboresha hali ya moyo na usingizi.

• Huimarisha kinga na afya ya moyo.

Madhara ya msongo wa muda mrefu

• Huongeza hatari ya shinikizo la juu la damu, shambulio la moyo na moyo kushindwa kufanya kazi.

• Huongeza lehamu (kolesteroli) damuni.

• Kupitia presha, huongeza hatari ya magonjwa ya figo.

• Soma Msongo wa mawazo na magonjwa.

Nini cha kufanya

• Lenga dakika 150 kwa wiki – mfano dakika 30, siku 5.

• Chagua unachofurahia: kutembea, kucheza muziki, kupanda mlima, kuogelea, baiskeli, yoga, bustani, kukimbia.

• Fanya nje kwenye mazingira ya kijani – soma Mazingira ya kijani.

• Ongeza upumuaji wa kina – soma Upumuaji wa kina.

• Anza kidogo kama hujazoea – dakika 10 mara 3 kwa siku zinatosha.

• Panga ratiba – soma Kanuni na ratiba ya msongo.

Dalili za hatari

Acha mazoezi na tafuta msaada mara moja ukiwa na:

• Maumivu ya kifua, kuzimia au kupumua kwa shida wakati wa mazoezi.

• Mawazo ya kujiua au kujidhuru.

Lini umwone daktari

• Msongo unaendelea zaidi ya wiki 2 licha ya mazoezi – soma Dalili za msongo wa mawazo.

• Una ugonjwa wa moyo, presha au kisukari na unataka kuanza mazoezi makali.

Maswali yanayoulizwa mara kwa mara