Nina upele mwilini shida ni nini?

Upele au vipele mwilini wakati mwingine unaweza kuwa na muonekano wa vinundu vidogo vilivyoinuka kwenye ngozi vinavyojulikana kitaalamu kama papuli.

Papuli ni uvimbe mdogo, mgumu kidogo, ulioinuka juu ya ngozi na mara nyingi huwa na kipenyo kisichozidi milimita 5. Vipele hivi vinaweza kuwa na rangi ya ngozi ya kawaida, nyekundu, kahawia au zambarau kulingana na sababu inayovisababisha.

Sababu zinazoweza kusababisha vipele (Vinundu vidogo vya ngozi)

1. Chunusi

Kuziba kwa vinyweleo na mafuta mengi ya ngozi kunaweza kusababisha vipele kama inavyoonekana katika watu wenye chunusi.

2. Mzio wa ngozi

Mzio unaosababishwa na dawa, vyakula, au kemikali unaweza kusababisha vipele zinazoambatana na kuwasha, kama kwenye mzio wa mguso.

3. Maambukizi ya ngozi

Baadhi ya maambukizi ya bakteria, virusi au fangasi yanaweza kusababisha papule, kwa mfano:

• Maambukizi kwenye shina la kinyweleo (Folikulaitisi )

• Molluscum Contagiosum

4. Vimelea wa ngozi

Baadhi ya vimelea kama wadudu wanaochimba ngozi wanaweza kusababisha vinundu vidogo vinavyowasha kama katika Skabisi.

5. Magonjwa ya uchochezi wa ngozi

Magonjwa ya ngozi yanayohusisha uchochezi yanaweza kusababisha papule, kwa mfano Likeni planasi.

6. Maambukizi ya virusi

Virusi vinaweza kusababisha upele unaoambatana na homa au dalili nyingine, kwa mfano:

• Surua

• Tekekuwanga

4. Joto kali na jasho

Kuziba kwa vinyweleo kutokana na jasho kunaweza kusababisha upele unaoitwa upele wa joto.

Dalili zinazoweza kuambatana na vipele

Papule zinaweza kuambatana na:

• Kuwasha

• Maumivu madogo

• Ngozi kuwa nyekundu

• Kukauka au magamba ya ngozi

• Kuenea kwa vinundu sehemu nyingine za mwili

Wakati wa kumwona Daktari

Ni muhimu kumwona mtaalamu wa afya kama:

• Papule zinaenea haraka

• Kuna maumivu makali au usaha

• Vinundu haviponi baada ya muda mrefu

• Vinundu vinaambatana na homa au dalili nyingine za mwili

Hitimisho

Vipele ni vinundu vidogo vilivyoinuka juu ya ngozi ambavyo vinaweza kusababishwa na chunusi, mzio, maambukizi ya ngozi, vimelea au magonjwa ya uchochezi wa ngozi.