Imeandikwa na daktari wa ULY CLINIC

Dawa za kutibu malaria

Dawa za kutibu malaria zipo za aina tofauti kulingana na namna zinavyofanya kazi, makala hii imeorodheshwa dawa zote zinazotibu malaria. Unaweza kubonyezapia dawa ili kusoma zaidi kuhusu matumizi na maudhi.

1. ALU- arthmether Lumefantrine

Hutibu malaria ya akyute na isiyo na maudhi

2. Chloroquine

Hutumika kama kinga ya malaria kwenye maeneo ambayo malaria ipo kwa wingi zaidi na maeneo tu ambapo ugonjwa hauna usugu na dawa hiyo. Katika maeneo ambayo vimelea vya malaria vinausugu kwenye chloroquine, dawa hii hutumika pamoja na dawa ya proguanil hydrochloride, hata hivo ufanisi huwa si mkubwa kukinga malaria endapo vimelea vimekuwa sugu.

3. Mefloquine

Hutumika kama kinga ya malaria kwenye maeneo ambayo vmelea vya malaria ni sugu dhidi ya dawa ya chloroquine. Dawa hii kwa sasa haitumiki kweye matibabu ya malaria kwa sababu ya usugu wa vimelea vya malaria dhidi ya dawa hii

4. Mchanganyiko wa piperaquine na artenimol

Mchanganyiko huu haishauriwai kutumika kama dawa daraja la kwanza kutibu akyuti malaria isiyo na maudhi. Dawa hiihata hivyo huwa na nusu maisha marefu kwenye damu

5. Primaquine

Hutumika kuondoa vimelea vya malaria vilivyoingia kwenye ini baada ya kutibiwa na dawa ua chloroquine. Vimelea hivyo ni vile vya P.vivax na P.ovale

6. Proguanil

Hutumika maranyingi pamoja na chloroquine lakini wakati mwingine hutumika yenyewe kama kinga ya malaria. Dawa hii haishauriwi kutumika kaa yenyewe. Malarone ambayo ni Mchanganyiko wa dawa proguanil na atovaquone hutumika kutibu malaria isiyo na maudhi. Malarone hutumika kama kinga ya malaria inayosababishwa na kimelea cha Plasmodium falciparum endapo kunausugu wa dawa ya chloroquine, pia huweza kutumika kama mbadala wa mefloquine na doxycycline.

7. Pyrimethamine

Dawa hiihaipaswi kutumika yenyewe, hutumika pamoja na sulfadoxine kutibu malaria. Mchanganyiko wa primethamine na sulfadozine haushauriwi kutumika kama kinga ya malaria, hata hivyo hutumika kwenye matibabu ya malaria pamoja au baada ya kutumia quinine

8. Quinine

Si dawa nzuri kama kinga ya malaria. Dawa hii hutumika kutibu malaria inayosababishwa na kimelea cha plasmodium falciparum au endapo kimelea sababishi hakifahamiki au endapo maambukizi yanasababishwa na kimelea zaidi ya mmoja.

9. Tetracycline

Katika kundi hili la dawa,dawa ya doxycycline hutumika kwa watu wazima pamoja na watoto walio zaidi ya umri wa miaka 12kama kinga ya malaria kwenye maeneo ambayo kuna usugu wa vimelea dhidi ya dawaa mefloquine na chloroquine. Dawa hii pia hutumika kama mbadala wa mefloquine na malarone

Dawa za kukinga kupata malaria

Dawa za kukinga mtu kupata malaria hushauriwa kutumika kwa watu ambao wanaishi kwenye maeneo ambapo hakuna malaria au kuna maambukizi ya chini sana. Uchaguzi wa dawa unatakiwa kuzingatia mambo yafuatayo;

Uwe kwenye kihatarishi ya kupata malaria
Usugu wa vimelea kwenye dawa
Ubora wa dawa kwenye malaria hiyo
Maudhi ya dawa
Vitu vingine kama umri, ujauzito, hali ya figo na ini na uwezo wa kuzingatia dozi kinga

Dawa zinazoweza kutumika ni kama zilizoelezewa hapo juu

Dawa zingine pia hutumika kuzuia mtu asing’atwe na mbu, ubora wa dawa hizi bado haufahamiki

Matumizi ya nguo ndefu na neti zilizotiwa dawa ya DEET pia ni muhimu katika kujikinga na malaria

ULY Clini inakushauri siku zote uwasiliane na daktari wako kwa maelezo zaidi na Tiba kabla ya kuchukua uamuzi wowote ule wa kiafya

Wasiliana na daktari wa ULY Clinic kwa ushauri na tiba kupitia namba za simu au kubonyeza Pata tiba chini ya tovuti hii

Imeboreshwa, 27.06.2020

Rejea za mada hii;

BNF 76 toleo la september-march 2018-2019
Antimalaria.NHIS. https://www.nhs.uk/conditions/malaria/treatment/.Imechukuliwa 27.06.2020
CDC. traveler malaria treatment. https://www.cdc.gov/malaria/travelers/drugs.html. Imechukuliwa 27.06.2020

Bofya hapa kwenda orodha kuu