Amiloride

Amiloride ni dawa mojawapo ya kutibu shinikizo la juu la damu Iliyo kwenye kundi la dawa linaloitwa Potasiamu sparing diuretic. Dawa hii huwa maarufu kwa jina la Midamor.

Rangi ya dawa

Rangi ya dawa ni nyeupe na njano, mgonjwa ashauriwe kunywa dawa hii kama kila siku na kwa kiwango cha dozi alichopewa.

Fomu na uzito wa dawa

Amiloride hupatikana katika fomu ya kidonge chenye uzito wa milligram zifuatazo;

• 5 mg

• 10 mg

Namna dawa inavyofanya kazi

Hufanya kazi kwa kuzuia utendaji kazi wa homoni ya Aldosterone ambayo hufanya kazi ya kuthibiti kiasi cha sodiamu na maji kwenye damu. Kuzuiwa kwa utendaji kazi wa homoni hii husababisha kupotea kwa maji na chumvi mwilini na hivyo kupunguza kiwango cha damu katika mishipa ya damu na hatimaye shinikizo la damu hupungua. Dawa hii pia huzuia kupotea kwa kiwango cha potasiamu kwenye damu, hii ndo maana kundi la dawa limeitwa kwa jina la Potasiamu sparing diuretics

Dawa zingine zilizo kundi moja

• Triamterene

• Spironolactone

• Eplerenone

Kazi ya dawa

Hutumika kwa wagonjwa wenye shinikizo la juu la damu

Hutumika kwenye matibabu ya shinikizo la damu kwa wagonjwa wa moyo ulioferi

Dawa zisizopaswa kutumika pamoja na dawa hii

• Cyclosporine

• Drospirenone

• Eplerenone

• Lofexidine

• Potassium acid phosphate

• Potassium Chloride

• Spironolactone

• Tafenoquine

• Triamterene

Wagonjwa wasiopaswa kutumia dawa hii

• Wagonjwa wenye mzio na dawa hii au zingine katika kundi lake

• Wagonjwa wenye Haipakalemia

• Haipaswi kutolewa pamoja na dawa yeyote ya Potasiamu bSparing Diuretic

• Wagonjwa wenye figo iliyoferi na magonjwa sugu ya ini

Tahadhari ya dawa hii

• Dawa hii huweza kupelekea kupoteza madini mwilini ikiwa Pamoja na madni ya sodiamu.

• Inapaswa kutumika kwa tahadhari kwa wagonjwa wenye matatizo ya ini na figo

Matumizi kwa mama mjamzito

Dawa hii inaweza kutumika kwa mama mjamzito endapo kuna uhitaji. Tafiti zilizofanyika kwa wanyama zinaonyesha kuwa Wanyama hao hawakupata madhara yoyote katika ujauzito wao.

Matumizi kwa mama anayenyonyesha

Haipaswi kutumika kwa mama anayenyonyesha sababu huingia kwenye maziwa ya mama na hivyo mtoto ataipata kwa kunywa maziwa ya mama.

Baadhi ya maudhi madogo ya dawa

• Haipakalemia

• Kukosa hamu ya kula

• Kichwa kuuma

• Kichefuchefu

• Maumivu ya tumbo

• Kukohoa

• Kukohoa

• Kizunguzungu

• Kuchoka

• Kuishiwa pumzi

Nusu maisha ya dawa

Amiloride mara nyingi huanza kufanya kazi ndani ya masaa 2 baada ya kozi ya kunywa. Madhara ya kitiba ya dawa hufika kileleni ndani ya masaa 6 hadi 9 na hudumu kwa masaa 24. Kiwango cha juu cha dawa kwenye damu hufikiwa ndani ya masaa 3 hadi 4 na nusu maisha ya dawa mwilini ni masaa 6 hadi 9.

Utoaji dawa mwilini

Dawa hii hutolewa mwilini kwa njia ya mkojo kwa asilimia 50 na njia ya kinyesi kwa asilimia 40 ndani ya masaa 72.

Je kama umesahau dozi yako ufanyaje?

Kama umesahau kunywa dozi yako tumia mara pale utakapokumbuka na ikiwa muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako