Clozapine

Clozapine ni dawa kizazi kipya katika kundi la dawa za atipiko antisaikotiki, dawa hii hufahamika kama serotonini na dopamine inhibita kwa kuwa huzuia ufanyaji kazi wa homoni ya serotonin na dopamine kwenye mfumo wa kati wa fahamu ili kuleta madhara ambayo ndo kiini cha tiba yake. Clozapine hutumiwa katika matibabu ya ugonjwa wa skizofrenia iliyo sugu kwenye dawa tiba elekezi.

Dawa hii inapaswa kutumika lisaa limoja kabla au baada ya kula, haipaswi kutumika pamoja na chakula kwa kuwa ufyonzaji wake hupugua.

Mara baada ya kunywa dawa hii, inachukua muda wa wiki kadhaa (wiki 6 kwa mgonjwa wa skizofrenia) kabla ya dalili kuanza kupotea, unashauriwa kuendelea kutumia dawa kama ulivyoelekezwa na daktari wako katika kipindi hiko.

Ufyonzwaji wa dawa tumboni

Dawa hii mara unapoinywa hufyonzwa kwenye utumbo kwa asilimia 90 hadi 95 ya dawa. Ndani ya saa 1-2 dawa hufikia kilele chake kwenye damu.

Uchakatuaji wa dawa mwilini

Umetaboli inafanyika kwenye Ini na mabaki ya dawa hutolewa kwa njia ya kinyesi kwa asilimia 30 na asilimia 50 kwa njia ya mkojo.

Dawa hii hutibu

• Kudhibiti halusinesheni

• Kupunguza dalidali za mhemko kuhusishwa na wasiwasi

• Kuthibiti mawazo yakujirudia ya kutaka kijidhuru ama kujiua

• Kutibu matatizo ya usingizi

• Kutibu ugonjwa wa kihisia

Maudhi madogo madogo ya dawa

• Agranulosaitosisi

• Kichefuchefu na kutapika

• Kupata kiungulia

• Kuharisha

• Upele katika ngozi

• Kizunguzungu

• Kuongezeka hamu ya chakula

• Kuvimbiwa

• Maumivu ya tumbo

• Ongezeko la uzito wa mwili

• Kutokwa na jasho jingi

• Kuweweseka

• Maumivu ya kichwa

• Kuanguka

• Kusinzia

• Udhaifu wa mwili

• Haipagkaisemia

• Dayabetiki ketoasidosisi

Angalizo

Tumia dawa hii kwa Umakini kwa watu

• Wenye matatizo ya Ini

• Wenye shinikizo la damu, matatizo sugu ya moyo

• Wenye matatizo ya Kifafa

• Wenye matatizo ya Figo

• Wenye aleji na dawa hii na pamoja na aleji nyingine

• Wenye matatizo ya kukosa fahamu

• Wenye magonjwa ya damu mfano leukemia

• Wenye kisukari

Usitumie dawa hii pamoja na

• Usitumie dawa hii pamoja na dawa za kutibu shinikizo la damu la juu

• Usitimie dawa hii pamoja na dawa jamii ya antidepressants mfano fluvoxamine

• Usitumie dawa hii pamoja na baadhi ya antibiotiki mfano ciproflaxin

• Usitumie dawa hii pamoja dawa za kifafa mfano carbamazepine

• Usitumie kama unamzio na dawa hii

Kwa Wajawazito

Itumiwe endapo kuna umuhimu katika ujauzito

Kwa Wanaonyonyesha

Dawa hii isitumike kwa mama anaenyonyesha. Sababu dawa hii hupita katika maziwa ya mama na hivyo kuleta athari kwa mtoto anaenyonyeshwa.

Ukisahau dose Nini kifanyike

Kama umesahau kunywa dose yako, kunywa mara tu unapokumbuka, endapo muda wa dozi nyingine umefika, ruka hiyo dozi uliyosaau na kuendelea na dozi yako kwa muda uliopangiwa. Usitumie dozi mbili kwa wakati mmoja