Dawa Ambroxol

Ambroxol ni dawa ya kuyeyusha na kusaidia utolewaji wa makohozi inayotumika katika matibabu ya magonjwa ya njia ya hewa yanayoambatana na makohozi mazito. Husaidia kupunguza mnato wa makohozi, kuyaweka mepesi na kurahisisha kukohoa na kupumua.

Majina ya kibiashara

Majina ya kibiashara ya Ambroxol ni;

• Ambrolite

• Mucosolvan

• Ambrolex

• Ambroxyl

• Bronchoval

Ambroxol ipo kundi gani la dawa?

Ambroxol ni dawa iliyo katika makundi yafuatayo;

• Dawa za kuyeyusha makohozi

• Dawa za kusaidia utoaji wa makohozi

Dawa zilizo kundi moja na Ambroxol

Dawa zilizo kundi moja na Ambroxol ni;

• Bromhexine

• Acetylcysteine (NAC)

• Carbocisteine

• Erdosteine

• Guaifenesin

Fomu dawa Ambroxol

Dawa hii ipo katika fomu zifuatazo;

• Syrup

• Vidonge

• Vidonge vya kuyeyuka mdomoni (lozenges)

• Matone (drops – hasa kwa watoto)

• Sindano (katika mazingira ya hospitali)

Uzito / Kiwango cha dawa Ambroxol

Ambroxol hupatikana katika viwango vifuatavyo;

• Syrup: 15 mg/5 ml, 30 mg/5 ml

• Vidonge: 30 mg, 60 mg

• Lozenges: 15 mg

Ambroxol hutibu nini?

• Bronchitis ya muda mfupi na ya muda mrefu

• Kikohozi chenye makohozi mazito

• COPD

• Pumu inayoambatana na makohozi

• Maambukizi ya njia ya hewa (kama nyongeza ya matibabu)

Namna Ambroxol inavyofanya kazi

Ambroxol hufanya kazi kwa:

• Kuvunja muundo wa makohozi mazito na kuyafanya mepesi

• Kuongeza utolewaji wa ute laini kwenye bronkai

• Kuchochea harakati za silia kwenye njia ya hewa, hivyo kusaidia kusukuma makohozi yatoke nje

• Kuongeza uzalishaji wa ute laini wa mapafu ambayo husaidia njia ya hewa kubaki wazi

Matokeo yake ni kupungua kwa mkusanyiko wa makohozi na kuboresha upumuaji.

Ufyozwaji wa dawa

Ambroxol hufyonzwa vizuri kupitia mfumo wa chakula.Huanza kuonekana kwenye damu ndani ya dakika 30–60 baada ya kumezwa, na kiwango chake cha juu hufikiwa baada ya saa 1–3.

Mwingiliano wa Ambroxol na chakula

Inaweza kutumika pamoja au bila chakula.Chakula hakiathiri kwa kiasi kikubwa ufyonzwaji wa dawa hii.

Mwingiliano na pombe

Hakuna mwingiliano mkali uliothibitishwa kati ya Ambroxol na pombe, lakini inashauriwa kuepuka pombe wakati wa matibabu ili kuepuka kuongeza usumbufu wa tumbo na kudhoofisha kinga ya mwili.

Wagonjwa wasiopaswa kutumia Ambroxol

• Wagonjwa wenye mzio wa Ambroxol

• Wagonjwa wenye historia ya mzio mkali kwa dawa za kuvunja(kulainisha) makohozi

• Tahadhari kwa wagonjwa wenye vidonda vya tumbo

Utoaji taka wa Ambroxol mwilini

Ambroxol hubadilishwa (hufanyiwa umetaboli) kwenye ini na hutolewa zaidi kupitia mkojo kama mazao ya umetaboli.Kiasi kidogo hutolewa bila kubadilishwa.

Matumizi ya Ambroxol kwa mama mjamzito

Ambroxol haishauriwi kutumika katika miezi mitatu ya mwanzo ya ujauzito. Katika kipindi cha pili cha ujauzito, inaweza kutumika chini ya ushauri wa mtaalamu wa afya.

Matumizi ya Ambroxol kwa mama anayenyonyesha

Dawa hii hutolewa kwa kiasi kidogo kwenye maziwa ya mama.Kwa kawaida huchukuliwa kuwa salama, lakini tahadhari inashauriwa.

Dawa zenye mwingiliano na Ambroxol

Dawa zinazoweza kutumika pamoja kwa usalama

• Antibayotiki (Amoxicillin, Cefuroxime, Erythromycin)

• Paracetamol

• Salbutamol

Maudhi madogo ya Ambroxol

• Kichefuchefu

• Kutapika

• Kuharisha

• Maumivu ya tumbo

• Kukauka kwa mdomo

• Koo kuwasha

• Upele wa ngozi (mara chache)

Ufanye nini kama umesahau dozi yako?

Kama umesahau kutumia dozi yako, tumia mara tu unapokumbuka.Kama muda wa dozi inayofuata umekaribia, acha dozi uliyosahau na endelea na ratiba ya kawaida.Usitumie dozi mbili kufidia dozi uliyosahau.