Dawa bisacodyl

Bisacodyl Dawa

Bisacodyl ni dawa kwenye kundi la dawa za kulegeza matumbo na kuongeza utoaji haja kubwa. Hutumika katika matibabu haja kubwa kwa shinda, haja ngumu na kusafisha utumbo mpana kwa muda

Majina mengine ya bisacodyl

Bisacodyl hufahamika kwa majina ya kibiashara kama:

• Dulcolax

• Correctol

• BisacEvac

• Bisacolax

• Codulax

• Alophen

• Feen A Mint

• Fleet Stimulant Laxative

• Laxit

• Modane

Uzito na fomu ya bisacodyl

Bisacodyl hupatikana kama kidonge chenye uzito wa miligramu 5.

Dawa kundi moja na Bisacodyl

Dawa zingine zilizo kundi moja na bisacodyl ni zile ambazo huwa kundi la vilegeza matumbo na viongeza utoaji wa haja ngumu kama vile:

• Sodium Docusate

• Co-danthrusate

• Glycerol

• Senna

• Sodium picosulphate

• Oxyphenisatin

Bisacodyl hutibu nini?:

Bisacodyl hutumika kutibu kwa muda hali magonjwa yafuatayo:

• Kinyesi kigumu

• Kinyesi kutoka kwa shida (konstipesheni)

• Kusafisha utumbo mpana kabla ya kufanyiwa uchuguzi

Namna bisacodyl inavyofanya kazi

Bisacodyl hufanya kazi kwa kuibughudhi misuli laini ya mfumo wa chakula na hivyo kuongeza peristalisis na haswa kupitia madhara yake ya kuamsha mishipa ya fahamu ya parasimpathetiki. Pia huongeza kiasi cha maji ndani ya utumbo kwa kuingilia uwezo wa matumbo kuweka uwiano wa maji na madini.

Wasiopaswa kutumia bisacodyl

Bisacodyl haipaswi kutumika kwa wagonjwa wenye hali, dalili na magonjwa yafuatayo:

• Historia ya mzio wa dawa hii

• Kuziba kwa matumbo

• Hali kali ya kuziba kwa utumbo kutokana na kinyesi

• Dalili za maambukizi kwenye kidole tumbo

• Kutapika

• Kutokwa damu kwenye puru

Tahadhari za kuchukuliwa kwa watumiaji wa bisacodyl

• Usitumie kwa muda mrefu inaweza kusababisha mwili wako ukawa tegemezi kwenye dawa

• Kama una harisha na kutapika, usitumie dawa hii

• Usitafune kidonge, meza kwa maji

• Usitumie saa 1 baada ya kunywa dawa za kupunguza uzalishaji wa tindikali

• Haipaswi kutumika kwa watoto chini ya miaka 6

• Haipaswi kutumika zaidi ya wiki 1

• Baadhi ya fomu ya dawa hutiwa benzyl alcohol ambayo imeonekana kuambatana na usumu kwa vichanga. Usitumie dawa yenye kemikali hii au mazao yake kwa vichanga.

Matumizi ya bisacodyl na pombe

Unaweza kutumia bisacodyl na pombe, hata hivyo usitumie pombe nyingi pamoja na dawa hii.

Ufyonzwaji wa bisacodyl

Asilimia 16 tu ya dawa hufyonzwa na kuingia kwenye damu

Muda kuanza kazi - bisacodyl

Mara baada ya kutumia bisacodyl, huanza kufanya kazi baada ya masaa 6 hadi 10.

Nusu maisha ya bisacodyl

Bisacodyl huwa na nusu maisha ya masaa 8

Utoaji wa bisacodyl mwilini

Bisacodyl kwa kiasi kikubwa hutolewa mwilini upitia haja kubwa

Matumizi ya bisacodyl kwa mama mjamzito

Kiasi kidogo cha dawa huingia kwenye damu, matumizi ya muda mfupi yanachukuliwa kuwa salama. Epuka matumizi ya muda mrefu ya bisacodyl wakati huu.

Matumizi ya bisacodyl kwa mama anayenyonyesha

Hakuna kiwango cha dawa kilichogunduliwa kwenye maziwa ya mama anayenyonyesha. Kama itatumika wakati huu, inapaswa kutumika kwa tahadhari.

Dawa zenye mwingiliano mkali na bisacodyl

Dawa zifuatazo huwa na mwingiliano mkali hivyo hazipaswi kutumika pamoja na bisacodyl:

• Sodium sulfate/magnesium sulfate/potassium chloride

• Sodium sulfate/potassium sulfate/magnesium sulfate

• Sodium sulfate/potassium sulfate/magnesium sulfate/polyethylene glycol

Dawa zenye mwingiliano wa wastani na bisacodyl

Dawa zifuatazo huwa na mwingiliano wa wastani na bisacodyl, kama zitatumika pamoja, mgonjwa anapaswa kuwa chini ya uchunguzi wa karibu wa mtaalamu wa afya:

• Deflazacort

• Dichlorphenamide

• Potassium citrate

Dawa zenye mwingiliano mdogo na bisacodyl

Dawa zifuatazo huwa na mwingiliano mdogo na bisacodyl

• Potassium acid phosphate

• Potassium chloride

Maudhi ya bisacodyl

Baadhi ya maudhi ya bisacodyl ni:

• Kunyonga kwa tumbo

• Kupotea kwa uwiano wa madini na maji mwilini

• Kuhara sana

• Kichefuchefu

• Hisia za kuungua kwenye puru

• Kuona vitu vinazunguka

• Kutapika

Je endapo umesahau kutumia dozi ya bisacody ufanyaje ?

Kama umesahau kutumia dozi ya bisacodyl, tumia mara utakapokumbuka isipokuwa endapo muda wa kunywa dozi nyingine umefika ambapo utapaswa kusubiria muda ufike ndipo utumie dozi hiyo na kuendelea kama ulivyoshauriwa na daktari wako. Usitumie dozi mbili kwa wakati mmoja.

Uhifadhi ya bisacodyl

Hifadhi dawa yako katika joto la mzingira (nyuzi joto za sentigrade 20 hadi 30). Usiweke kwenye friji au sehemu yenye mwanga wa jua au joto ili kuepuka kuharibu dawa.