Dawa ya Cefadroxil

Cefadroxil ni aina ya dawa iliyo kwenye daraja la kwanza la antibayotiki jamii ya Cephalosporin. Dawa hii hutumika kupambana na maambukizi mbalimbali kwenye mwili yanayosababishwa na bakteria.

Majina mengine ya Cefadroxil

Cefadroxil huwa maarufu kwa majina ya Duricef na ultracef, sandrox-500

Rangi, uzito na fomu ya Cefadroxil

Rangi ya dawa ni ya machungwa lakini mara nyingi hutegemea aina ya kiwanda kinachotengeneza Cefadroxil hupatikana katika mfumo wa tembe,maji na kidonge wenye uzito wa; Tembe

• 500 mg

Kimiminika cha vial

• 250mg/5mL

• 500mg/5mL

Kidonge

• 1 g

Namna cefadroxil inavyofanya kazi

Dawa hii hufanya kazi kwa kuzuia ukuaji wa bakteria kwa kuzuia utengenezaji wa peptidoglacan ambayo huunda ukuta wa seli kwenye bakteria ,Kwa kufanya hivyo hupelekea kufa kwa bakteria

Dawa zilizo kundi mojana cefadroxil

• Cefazolin

• Cephalexin

• Cephalothin

• Cephapirin

• Cephradine

Kazi ya cefadroxil

• Hutumika kwenye matibabu ya tezi kuvimba

• Hutumika kwenye matibabu ya wagonjwa wenye pharyngitis

• Hutumika kwenye matibabu ya Maambukizi ya mfumo wa mkojo

Utofauti wa Cefadroxil na dawa zilizo kundi moja

Utofauti wa pekee wa dawa hii na dawa zingine za kwenye kundi hili la cephalosporin daraja la kwanza ni:

• Dawa hii hutolewa mwilini kwa njia ya mkojo kwa asilimia kubwa zaidi kuliko njia zingine.

• Dawa hii nusu ya maisha ya dawa hii ni saa 1 mpaka saa 2 tangu itumike mwilini

Dawa usizopaswa kutumia pamoja na Cefadroxil

Dawa hii haipaswi kutumika pamoja na dawa zifuatazo;

• Antithrombin alfa

• Argatroban

• Bivalirudin

• Dalteparin

• Enoxaparin

• Fondaparinux

• Heparin

• Warfarin

• Bazedoxifene

• Dienogest

• Estradiol

• Ethinylestradiol

• Probenecid

Wagonjwa wasiopaswa kutumia Cefadroxil

Wagonjwa wenye aleji na dawa hii au jamii ya dawa za cephalosporin

Tahadhari kwa watumiaji wa Cefadroxil

Dozi yake inapaswa kupunguzwa kwa mgonjwa mwenye shida ya figo Matumizi ya muda mrefu huweza kupelekea fangasi kwenye mwili

Matumizi ya Cefadroxil kwa mama mjamzito

Dawa hii ipo kwenye kundi B la usalama kwa mama mjamzito Dawa hii inaweza kutumika kwa mama mjamzito ,Tafiti za wanyama hazionyeshi hatari yeyote kwa mjamzito

Matumizi ya Cefadroxil kwa mama anayenyonyesha

Inaweza kutumika kwa mama anayenyonyesha sababu hakuna madhara yeyote yaliyoripotiwa

Maudhi ya Cefadroxil

Baadhi ya maudhi madogo ya dawa hii ni;

• Maumivu ya tumbo

• Kichefuchefu

• Kutapika

• Kuharisha

• Homa

Ukisahau kutumia dozi ya Cefadroxil

Je endapo utasahau dozi yako ufanyaje ? Endapo ukisahau kutumia dozi yako tumia mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako